Popular Bible Verses from رُومیا 6

Share

چُون مُزدِ گُناه مَرگ اَسته، مگم نِعمتِ خُدا زِندگی اَبَدی اَسته دَ وسِیلِه مَولای مو مسیح عیسیٰ.

خُلاصه، گُناه نَباید دَ بَلِه شُمو حُکمرانی کُنه، چراکه شُمو تابِع شریعت نِیَستِید، بَلکِه تابِع فَیض اَستِید.

پس مو دَ وسِیلِه غُسلِ تعمِید دَ نشانی مَرگ، قد ازُو دَفن شُدی تا امُو رقم که مسیح دَ وسِیلِه بُزُرگی-و-جلالِ آتِه آسمانی از مُرده ها دُوباره زِنده شُد، امُو رقم مو ام دَ یگ زِندگی نَو قَدم بِزَنی.

اعضای جِسم خُو ره دَ عِنوانِ اَسبابِ شرارَت دَ گُناه تسلِیم نَکُنِید، بَلکِه رقمِ کسای که از مَرگ زِنده شُده خودون ره دَ خُدا تسلِیم کُنِید و اعضای جِسم شُمو دَ عِنوانِ اَسبابِ عدالت دَ خِدمتِ خُدا بَشه.

مو اِی ره مِیدَنی که اِنسانِ کُهنِه که دَ وجُود مو بُود، قد ازُو دَ صلِیب میخکوب شُد تا جِسمِ گُناهکار مو نابُود شُنه و مو دِیگه غُلامی گُناه ره نَکُنی.

دَ امزی رقم شُمو ام خودون ره بَلدِه گُناه مُرده حِساب کُنِید، مگم بَلدِه خُدا دَ وسِیلِه مسیح عیسیٰ زِنده.

پس چی بُگی؟ آیا گُناه کده بوری تا فَیض پِرَیمو شُنه؟ هرگِز نَه! مو که بَلدِه گُناه مُردی، چِطور مِیتَنی که هنوز دَزشی زِندگی کُنی؟

شُمو مِیدنِید که وختی خودون ره دَ یَگو کس بحَیثِ غُلامِ فرمانبردار تسلِیم مُونِید، شُمو غُلامِ امزُو کس مُوشِید که از شی اِطاعَت مُونِید، چی غُلامِ گُناه که سُون مَرگ مُوبره، چی غُلامِ اِطاعَت که سُون عدالت-و-نیکی مُوبره.

مگم خُدا ره شُکر که اگرچِه شُمو یگ زمان غُلامای گُناه بُودِید، لیکِن آلی از تَی دِل از اصُولِ امزُو تعلِیم اِطاعَت مُونِید که دَز شی سِپُرده شُدِید و از بَندِ گُناه آزاد شُده غُلامای عدالت-و-نیکی شُدِید.