Popular Bible Verses from Rukasa 23

Share

Jesus makura ta tanta asi: “Tate, va dongwenena po, yeeyi kapi vana diva eyi vana kurugana.” Awo makura tava ligavere yikoverero yendi pokuyininkira fungu‐fungu.

Makura Jesus ta mu limburura asi: “Yosili nina kukutantera asi, naina to ka kara kumwe name moParadisa.”

Age makura ta tantere Jesus asi: “Hompa, diworoka nge nsene no za moUntungi woge.”

Makura Jesus ta zigire unene asi: “Tate, mwenyo gwange tani gu gava momawoko goge!” Kwa yi tanta tupu eyi, makura tagu pu mo.

Apa va ka sikire pevega eli ava tumbura asi Evega lyoYikora, makura tava mu pampara kosilivindakano kumwe novamahaka, gumwe korulyo rwendi, ano ogu mukwawo korumoho rwendi.

Ngwendi povili zomurongo nambali ngoso, ekurundema tali swikilikida uzuni naunye dogoro kovili zautatu. Ezuva tali sovagana, makura emukehe eli lya teta ntembeli monda tali bwaruka pokatji.

Mupitisili govakwayita efere apa ga yi mwene eyi ya horokere po, ta fumadeke Karunga asi: “Yosili mugara ogu muhungami ga kere.”