Popular Bible Verses from ଜଅନ୍‌ 10

Share

ଡୁଂଗାରେମ୍‌ ଡୁଂଗାପୁଲେଇ, ଅଡାପ୍‌ପୁଲେଇ ମାରି ନାସାଇବାର୍‌ପୁଲେଇଉ ସାପ୍‌ତା । ମାତର୍‌ ମା'ଏ ଜିବନ୍‌ ବୁମ୍‌ବାମ୍‌ପୁଲେଇ ମାରି ଅବୁଦି ବଲ୍‌ବାଇ' ଜିବନ୍‌ ବୁମ୍‌ବାମ୍‌ପୁଲେଇ ନିଂ ସା'ଗୁତିଂ ।

ନିଂ ମୁଇନ୍‌ଡା ବାନିବାଇ' ଗୁଗୁଇ'ରେମ୍‌ । ମୁଇନ୍‌ଡା ବାନିବାଇ' ଗୁଗୁଇ'ରେମ୍‌ ନିଜର୍‌ନା ଜିବନ୍‌ ବେଡ'ସେକ୍‌ସା ଆମେନ୍‌ଡାଲେ ରକ୍‌ୟା ଡେମ୍‌ତ ।

ନିଂନା ମେନ୍‌ଡାଲେ ନିଂନା ତୁମ' ଅଂଅଁ'ତା । ନିଂ ଆମା'ଏ ମାଗ'ତିଂ ମାରି ମା'ଏ ଆନିଂ ତେଂଗି'ତେଂଗି' ସା'ଗୁତା ।

ନିଂ ଆମା'ଏ ମଡୁନମ୍‌ ଜିବନ୍‌ ବେ'ତିଂ ମାରି ମା'ଏ ଇନ୍‌ଡଇ'ଏସା ଆନାସ୍‌ତା । ମାରି ଜାଏସା ଆମା'ଏ ନିଂନା ତିତିକୁରୁଂ ରାବ' ଇନ୍‌ଡ୍‌ରିଂ ଆଗଂତା ।

ନିଂଉ ଡାନ୍‌ଡର୍‌ । ଜା ନିଂକୁରୁଂ ଗାଇତା ଆମାଇ ମାପ୍‌ରୁ ରକ୍‌ୟା ଡେମ୍‌ତ । ମାରି ମେନ୍‌ଡାଲେ ମି ବିତ୍‌ରେ ବାରେ ତୁର୍‌ଗାଇସେକ୍‌ ବଲ୍‌ ସାରା ସୁସୁମ୍‌ ଗଂତା ଡୁ'ତୁନ୍‌ସୁଗ ଆନିଂ ଜା ବିସ୍‌ବାସ୍‌ ଡେମ୍‌ତ ମାଇ ବିତ୍‌ରେ ଡୁକୁନାସା ବାଇରି ଉଇନାସା ବଲ୍‌ ଡୁକୁ ଗଂତା ମାରି ଆମାଇ ଗୁଲାଇ ବଲ୍‌ଟା ବାମ୍‌ତା ।

ନିଂ ମୁଇନ୍‌ଡା ବାନିବାଇ' ଗୁଗୁଇ'ରେମ୍‌ । ନିଂନା ବା ଆନିଂ ମି ମାଗ'ତା ମାରି ନିଂ ଆମାଇ ମି ମାଗ'ତିଂ ଡୁ'ତୁନାଉ ନିଂ ଆନିଂନା ମେନ୍‌ଡାଲେସା ମାଗ'ତିଂ ମାରି ନିଂନା ମେନ୍‌ଡାଲେ ଆନିଂସା ମାଗ'ତା । ଡୁ'ତୁନ୍‌ସା' ମେନ୍‌ଡାଲେପୁଲେଇ ନିଂ ନିଂନା ଜିବନ୍‌ ବେ'ତିଂ ।

ଆମା'ଏ ନିଂନା ତିତିବକ୍‌ ବେଡ'କୁନୁଂ ନେମ୍‌ବା ଗୁଲାଇନ୍‌କୁରୁଂ ଅବୁଦି ବପୁବାଇ'ସା' ମାଇନା ତିତିକୁରୁଂ ଜାଏସା ଆମା'ଏ ରାବ' ଇନ୍‌ଡ୍‌ରିଂ ଆଗଂତା । ନିଂ ମାରି ନେମ୍‌ବା ନାଂ ଇମ୍‌ବାୟ ମୁଇ” ଡ'ସେକ୍‌ ସୁନ' ।

ନିଂ ମୁଇନ୍‌ଡା ବାନିବାଇ' ଗୁଗୁଇ'ରେମ୍‌ । ନିଂନା ବା ଆନିଂ ମି ମାଗ'ତା ମାରି ନିଂ ଆମାଇ ମି ମାଗ'ତିଂ ଡୁ'ତୁନାଉ ନିଂ ଆନିଂନା ମେନ୍‌ଡାଲେସା ମାଗ'ତିଂ ମାରି ନିଂନା ମେନ୍‌ଡାଲେ ଆନିଂସା ମାଗ'ତା । ଡୁ'ତୁନ୍‌ସା' ମେନ୍‌ଡାଲେପୁଲେଇ ନିଂ ନିଂନା ଜିବନ୍‌ ବେ'ତିଂ ।

ନିଂନା ଜିବନ୍‌ ଜାଏସା ନିଂକୁରୁଂ ଇନ୍‌ଡ୍‌ରିଂ ଆଗଂତା । ମାତର୍‌ ନିଂନା ମୁନ୍‌କୁରୁଂ ନିଂନା ଜିବନ୍‌ ନିଂ ବେ'ତିଂ । ନିଂନା ଜିବନ୍‌ ବିବେ'ନା ଅଦିକାର୍‌ ନିଂବକ୍‌ ଡୁତା ମାରି ମୁସଉ ବୁମ୍‌ବାମ୍‌ପୁଲେଇସା ନିଂନା ଅଦିକାର୍‌ ଡୁତା । ଡୁ'ତୁନ୍‌ ଡେମ୍‌ ଡ'ସେକ୍‌ ନେମ୍‌ବା ଆନିଂ ସୁନ'ତା ।”

ସା' ଜିସୁଲା ଆମା'ଏ ମାରି ମୁସଉ ସୁନ', “ନିଂ ଆପେ ସତ୍‌ ସୁଁସୁ ଡେନ୍‌ତିଂ, ନିଂ ମେନ୍‌ଡାଲେ ଗୁଗାଇନା ଡାନ୍‌ଡର୍‌ସୁଗ ।

ଗୁଗୁଇ'ପୁଲେଇ ବୁଂଅଁ'କୁନୁଂ ମୁଇନ୍‌ଡା କାମ୍‌ରେମ୍‌ ବାନିବାଇ' ଗୁଗୁଇ'ରେମ୍‌ସୁଗ ଆରାକ୍‌ । ମାସା'ଡ'ନା ଗୁତୁନ୍‌ ମାଇନା ନିଜର୍‌ନା ମେନ୍‌ଡାଲେ ଆରାକ୍‌ସା' ମାଇ ଆନ୍‌ଡ୍‌ରଂକାଲେ ସୁସାପ୍‌ଡେଂକୁନୁଂ ଜୁଲ'ସେକ୍‌ ଆମେନ୍‌ଡାଲେ ଅଡକ୍‌ସୁଂଅଁ'ସେକ୍‌ ଉର'ଉର' ଡୁଂତା । ସା' ଆନ୍‌ଡ୍‌ରଂକାଲେ ସାକ୍‌ସେକ୍‌ ଆମେନ୍‌ଡାଲେ କେଲାୟ' କେଲାୟ' ସବ'ସେକ୍‌ ବିଡ୍‌କାୟ' ବେ'ତ ।

ଜିସୁଲା ମାରି ସୁନ', “ନିଂ ଆପେ ସତଇସା ସୁନ'ତିଂ, ଜାଏସା ମୁଇନ୍‌ଡା ଗିମେ'ସାଲୁନା ଡାନ୍‌ଡର୍‌କୁରୁଂ ମଗୁନାଇ ପାଲ୍‌କୁରୁଂ ବିତ୍‌ରେ ଗାଇତା ଡ'ନା ମାଇ ମୁଇନ୍‌ଡା ଡୁଂଗା'ରେମ୍‌ ମାରି ଆମେନ୍‌ଡାଲେ ଅଗୁୟ'ସେକ୍‌ ରିଂଅଁ' ଡୁଂଡୁଂରେମ୍‌ ।