Popular Bible Verses from ମାତିଉ 26

Share

ପେ ମଲେମ' ପାର୍‌ତନା ଡେମ' ଡୁକୁଲା, ଡୁ'ତୁନ୍‌ ଡେମ'ନା ପେନ୍‌ ଜିବନ୍‌ବକ୍‌ ପରିକା ଆସାପ୍‌ତା । ମାସା'ଡ'ନା ନିଂ ସୁନ'କୁନୁଂସୁଗ ଡିନ୍‌ଡେମ୍‌ପୁଲେଇ ଆପେ ମୁନ୍‌ ଡୁତା ମାତର୍‌ ବପୁ ଆରାକ୍‌ସା' ଆଗଂତୁପେ” ଡ'ସେକ୍‌ ସୁନ' ।

ମାରି ମାଇ ଆମା'ଏ ସୁନ', “ନିଂନା ଜିବନ୍‌ବକ୍‌ ଅବୁଦି ସିନ୍‌ତା ସାକ୍‌ସେକ୍‌ ନିଂ ଗୁଗୁଇ'ଗାଗାଇ' ଡେଂକୁନୁଂସୁଗ ଡେଂଗୁତିଂ । ପେ ଆକେ ନିଂବୁରଂ ମଲେମ' ଡୁକୁଲା” ଡ'ସେକ୍‌ ସୁନ' ।

ମାରି ମାଇ ଇ'କି ଡଗ୍‌ରି'ତା ଉଇସେକ୍‌ ଏନ୍‌ଡିକ୍‌ସେକ୍‌ “ଅ ନିଂନା ବା, ଡି'କେନ୍‌ବାଇ' କସ୍‌ଟ ଗୁଲାଇ ନିଂକୁରୁଂ ସୁଲୁଂ ବୁଂବୁଂ ଡେନ୍‌ତା ଡ'ନା ସୁଲୁଂ ବୁଂ । ମାତର୍‌ ନିଂନା ମୁନ୍‌ ଆରାକ୍‌ ନନା ମୁନ୍‌ସୁଗ ନ ଡେମ୍‌” ଡ'ସେକ୍‌ ମାଇ ପାର୍‌ତନା ଡେମ' ।

କେନା ନିଂନା ବନି । କେନ୍‌ ଅଂଗୁର୍‌ନା ଡାଗ୍‌ ଡ'ନା ରେମଲେନା ପାପ୍‌ କେମା ଡେମ'ସେକ୍‌ ଆମା'ଏ ପାପ୍‌ନା ଡନ୍‌ଡ୍‌କୁରୁଂ ରକ୍‌ୟା ଡେମ୍‌ତିଂ ଡ'ସେକ୍ ରେମଲେବୁରଂ ମାପ୍‌ରୁ ପର୍‌ମାନ୍‌ ସବ'କୁନୁଂ ମୁଇ ସିନ । ସା' ନିଂନା ବନି ଟାଟେଉ ବେଡ'ସେକ୍‌ ନିଂ ଗୁଇ'ନାଉ ଗୁତୁନ୍‌ ପର୍‌ମାନ୍‌ ସତ୍‌ ଡେନ୍‌ତା ।

ମା'ଏ ସୁସୁମ୍‌ବେଲା ଜିସୁଲା ରୁଟି ଜୁଗ'ସେକ୍‌ ଆମାପ୍‌ରୁ ସୁନ୍‌ଡ୍‌ରକ୍‌ସେକ୍‌ ଗୁତୁନ୍‌ ରୁଟି ସିସିଡ' । ସିସିଡ'ସେକ୍‌ ଆସିସ୍‌ୟଲେ ବେଡ'ସେକ୍‌ ସୁନ' “ଇନ୍‌ଡ ଜୁଗ' ସୁମ୍‌, କେନା ନିଂନା ଞେରି” ଡ'ସେକ୍‌ ସୁନ' ।

ତିର୍‌ଗି' ମାଇ ମୁଇ ଗିଲାବକ୍‌ ଅଂଗୁର୍‌ନା ଡାଗ୍‌ ଜୁଗ'ସେକ୍‌ ଆମାପ୍‌ରୁ ସୁନ୍‌ଡ୍‌ରଗା' । ସୁନ୍‌ଡ୍‌ରକ୍‌ସେକ୍‌ ଗୁତୁନ୍‌ ଅଂଗୁର୍‌ନା ଡାଗ୍‌ ଆମା'ଏ ବେଡ'ସେକ୍‌ ସୁନ', “ପେ ଗୁଲାଇର କେନା ଇ'

ମାରି ମାଇ ମାଇନା ସିସ୍‌ୟଲେନ୍‌ବକ୍‌ ସା'ଗା', ସା' ମା'ଏ ଲେମ'କୁନୁଂ ଜୁଲ' । ସା' ମାଇ ଆପିତର୍‌ଲା, “ପେ ମଲେମ' ନିଂବୁରଂ ମୁଇ ଗନ୍‌ଟାସା ଲିଲେଇ' ଆଗଂତୁପେ ଇ?

ମାତର୍‌ ନେମ୍‌ବା ମାଇନା ରାଜି ଅ'ରଇଁୟ'ସେକ୍‌ ଆରେମଲେ ଜୁଜୁବେଲା ଆତା ପେବୁରଂ ଡୁକୁକ୍‌ସେକ୍‌ ମାରି ତିମେ ଅଂଗୁର୍‌ନା ଡାଗ୍‌ ଇ'ପନ୍‌ତେକ୍‌ ନିଂ କେନ୍‌ ଅଂଗୁର୍‌ଡାଗ୍‌ ମାରି ଇନ୍‌ଡ'ଇଏସା ଆଇ'ତିଂ ଡ'ସେକ୍‌ ନିଂ ଆପେ ସୁନ'ତିଂ” ଡ'ସେକ୍‌ ସୁନ' ।

ସା' “ଗିସିଂ ସୁସୁ ସିଁସେଇଁଉ ଆନିଂ ନ ଆମାକ୍‌ତିଂ ଡ'ସେକ୍‌ ତିନ୍‌ପାଲି ସୁନ୍‌ତୁନ” ଡ'ସେକ୍‌ ଜିସୁଲା ସୁନ'କୁନୁଂ ପିତର୍‌ଲା ଏତ୍‌ଗା' । ମାରି ମାଇ ବାରେ ତୁର୍‌ସେକ୍‌ ଅବୁଦି ସିନ୍‌ତାଲ'ସେକ୍‌ ଉ'ଗା' ।

ଇନ୍‌ସେଇ'ଉ ତନା, ଡ ଉୟାନେଇ' । ଜୁ, ଆନିଂ ଅସୁ'ୟା ସା'ଗା'” ଡ'ସେକ୍‌ ସୁନ' ।

ସା' ଜିସୁଲା ଆମାଇ ସୁନ' “କାନ୍‌ଦା ବୁଂବୁଂନାବକ୍‌ ଗୁତୁନ୍‌ କାନ୍‌ଦା ବୁଂ । ମାସା'ଡ'ନା ଜା କାନ୍‌ଦାବୁରଂ ଆଜାଆଜା ମାମା ଡେମ୍‌ତ ମାଇ କାନ୍‌ଦାବୁରଂ ଗୁଇ'ତା ।