Popular Bible Verses from Ma-thi-ơ 5

Share

'Bưn 'bơơn kkaat đeng baah dơih a teh krôôm thông, dôh dơih lơ jơng đeng jah yơr sm'baang jôm bnih knông nhi. Kot bei nei, rơn aang bơl 'bei phrui yơr aang di mat jôm bnih, jah bu sau pal kaar lơh klanh bơl 'bei u pơt wơơl Bươp bơl 'bei a lơ trôôk.”

Bơl 'bei laa chrah aang aan swich teh. Di poh sun lơ bnơm nei 'bưn geh km'ang kươt.

Smlaang aan pal bnih geh chưt sêch jrah, Đươm a kươi sau Brah Ưn!

Smlaang aan bơl bnih nh'hit nh'hiêr baak sêch song, Đươm a kươi kươt hơơm!

Dôh Hei lah bơl 'bei: Phrui êch srlanh bơl kmang u r'bon dan aan bơl nhôp kơt bơl 'bei

“Smlaang aan pal bnih l'ơơi rngiêl chưt nuih, Đươm nggoor trôôk pơơn teq u bu!

Smlaang aan pal bnih ta krôih, Đươm a kươi kươt chôôl laa koon Brah Ưn!

Smlaang aan pal bnih nhim ngliêng, Đươm a kươi kươt nđum nđiêng!

Smlaang aan pal bnih dol nhôp kơt đươm baak sêch song, Đươm nggoor trôôk pơơn teq u bu!

Smlaang aan pal bnih geh chưt gmaak, Đươm a kươi kươt gmaak!

Smlaang aan bơl 'bei tơt đươm Hei baah bơl 'bei dol jôm bnih jam joot, nhôp kơt, pnđing sơp baak ap. Phrui broh s'bai chham rơơn, đươm tkôm bơl 'bei ri a lơ trôôk laa ttih đat; đươm yau grnưt noor di mat bơl 'bei kot ja dol nhôp kơt bei nei.”

Smlaang aan pal bnih l'ưt lmư, Đươm a kươi dơơn ryơơng teh!

“Bơl 'bei laa boh teh ri, dôh mơq boh saap ttiat nei lơh bei êch aan ttiat kươi kươt? Boh nei but 'bưn til, phrui jang teq u dol bu nday jaq a jơng.

Bei nei bơl 'bei phrui mơ klanh rliêp bei Bươp bơl 'bei a lơ trôôk laa klanh rliêp.”

Dôh dơơn mor: ‘Dip, dip’ paich ‘'Bưn, 'bưn’ laa sơp. Nha top chhem ntil ơơn laa đươm lôh a chaak ap.

Bơl 'bei geh iat baak kne laah: ‘Mat soong mat, chhêk soong chhêk.’ Dôh Hei maanh bơl 'bei: Khơơm ta wal bơl đơơk. Mat baah kơơi, mơq 'bơơn taap bom mak ma, phrui ndơơp broih bom mak tôw aan bnih nei

Mơq pi mat mak ma lơh 'bei geh dôih, phrui glach u jang teq ơơi! Đươm n'hop n'hal 'bei saap di bôh chhak jan nha huôih laa sơp leq chhak jan dol jang teq u gưndrung ôinh. Mơq ti ma 'bei ri rook aan 'bei geh dôih, phrui paang u jang teq ơơi! Đươm n'hop n'hal lơh 'bei saap di bôh chhak jan huôih laa sơp leq chhak jan phrui jang teq u gưndrung ôinh.