Popular Bible Verses from Ma-thi-ơ 7

Share

Phrui dan, a kươi kươt; phrui wơng, a kươi mơp; phrui goh lpôông, a kươi pơơk aan bơl 'bei.

Đươm 'bơơn dan nei kươt; 'bơơn wơng nei a mơp; u 'bơơn goh lpôông nei a kươi kươt pơơk.

“Bei nei, 'bơơn iat baak Hei u lơh tênh nei bei mbu bnih jhai, sun nhi bơn lơ tmau.

Bei nei, paich ntil ơơn bơl 'bei êch bu nday lơh aan 'bei, phrui lơh ntil nei aan bu, đươm nei laa ch'bap u baak grnưt noor.

Nha lpôông wêt u troong haat liêu lôh baak rêh, bnih wơng sau kươt nei ndêq.”

Phrui mưt lpôông wêt, đươm lpôông ngwi u troong rhông rhơi liêu tơt baak luôch lêêk, bnih mưt tôw nei ơk.

Bei nei mơq bơl 'bei kot laa bnih ap, nha gưt aan koon pal griêng klanh, huôih ơơn Bươp bơl 'bei lơ trôôk leet 'bưn ươn pal griêng klanh aan bơl bnih dan Pang laang?

“Khơơm pơrkat 'bơơn jah bơl 'bei rlach dol pơrkat. Đươm bơl 'bei pơrkat bu nday bei êch nei bơl 'bei a kươi kot dol pơrkat bei nei, bơl 'bei weh aan bu nday ggơr êch nei bơl 'bei a kươi kot dol weh kơơi ggơr nei.

Nha 'bơơn iat baak Hei, dôh 'bưn lơh tênh, nei bei bnih kơrlung kơrlong, sun nhi lơ rka.

A hay 'bei sau pưn druih knông pi mat oh bi, baah leet 'bưn sau tơơm pkaang knông pi mat nơơm? A hay 'bei leet maanh oh bi: ‘Jah hei pơih pưn druih rlach pi mat oh bi,’ knông plah tơơm pkaang nha nh'ơơm bêch knông pi mat nơơm?

“Phrui nhjrang bơl grnưt noor lhiat, laa bơl ndau pêêk pi bưr lôh n'hai bơl 'bei, dôh mak klung laa sôw bri bu kap chhêêk. Bơl 'bei pơih gưt bu chkhôm kao play bu ri. Au geh 'bơơn pleh play nho ktôk pih look, paich play lwi ktôk pih pum khal êch?

Bei nei, mơq tơơm klanh nei lôh play klanh; nha tơơm khih nei lôh play khih.

Tơơm klanh 'bưn geh lôh play khih, nha tơơm khih kot 'bưn lôh play klanh kươt.

Paich tơơm êch 'bưn lôh play klanh, nei dol gôt u jang mưt ôinh.