Popular Bible Verses from Mothi 6

Share

Matwr Obwni naikhlai nokh pwila Kaitorni auar tei raidattiyani kothoyw kulokmanya ongdi, iswkhalai nokh imoroknw mannw."

Aithani khanapni tektoni bagwi ta oanadi, khanapni tekto binibai bw uananw, tamni hinba tinini tekto tinini bagwi okhini ongkha.

Obwni bagwi ang nokhnw i kok sadok, tamanw chagwi thangnai hinwi ta oanadi, tei tamanw kanni hinwibw basakni kothoyw ta oanadi. Chamwng nwngmwngni solai singli morok ganang, ri chumni solai basak morok ganang.

Matwr nwng jephuo suri ephuo nok bisingw habwi duar khagwi suridi tei nini Apha, Jebwnw nungyaphwng chwngbai baksa tongw, Bini orw suridi. Nini Apha, Jebw jotho huijaknw nungw, Bw nwnw sokat rwnw.

Obwni bagwi nokh imwtwijar khalaywi suridi: Chukhna hani Apha Nini mwng kathar hinwi surijakthwk Nini ha phaithwk, Nini muchumwng chukhatwi I hayungwbw ongthwk.

Jwnwmbitini chamwngnw Nwng chwnw jwnwmbiti rwdi

Chini baithe sumsok khalainai roknw chwng nakartwi Nwngbw chini sumsok roknw nakardi.

Chwnw belaikhe ta abjakdi chayanise kasokdi. Tamani hinba ha phan karak, chwngsacha mol brum brum bebak Nini mangse. Amen.

Tamni hinba nokh borogrokni khattanw nakarma rwkhalaise nokhni chukhna hani Aphabw nokhnw nakarma rwnw.

"Nokhani toksa tokmiliroknw naikhodi, bok bwchwlwibo kaiya, rabw raya, mai golaobw chugwi tonya, tei hekphwng nokhni chukhani Apha boknw charwgwi tongw. Nokh tama bokni naywi kabang morok ganangya?

"I hayungw nokhni sakni bagwi ghwn rangri chugwi tatondi. Irw swrbw khio tei yongbw chagw arw sikokbw nogw habwi khogw. Matwr chukhao swrbw khiya, yongbw oalmaya tei sikokbw khokya. Obwni bagwi chukhao sakni ghwn rangri chudi, twmwi himba nini rangri jedayw tongnw, nini khabw odayw tongnw.

"Kaisabw nophang kainwinw mwnmaya, twmwi hinba bw kaisanw hamjaknw tei kaisanw naisilinw, eba bw kaisanw mwitw rwnw tei arw kaisanw hela khalainw. Kaitor bai rangrinw nokh baksa khalaywi mwnma galak."

Bolongni khum tini tongphung khanap sokjakgwi painw, obwnw jephuo Kaitor iswk sajogwi tonw, halai Bw tama nokhnw arw kabangma khalaywi sajogwi tongalak? Halai nokhni paitokma tani iswkjora kisa?

Matwr nwng jephuo bigraroknw mwngsaswk rwnw ephuo nini yagara phaisingni yak ta khalaikha obwnw nini yaksi phaisingni yak siyatwi, Nini ruai rwnai siyajar ongnaitwi. Halai nini Apha, jebw huijagwi jothonw nai, Bw nwnw sokat rwnw.

"Hus ongdi! Borognw phunokni bagwi raida samung tatangdi, jwtini tangw hingkhalai chukhani Apha Kaitorni daini nokh mwngsa sokat mangalak.

"Nokh jephuo okbar tong ephuo phatrarokni kosol borogroknw phunokni bagwi makhang kwswm khalaywi tatongdi. Ang nokhnw daijw sadok, bok bokni sokat manwi paijak. Matwr nwng jephuo okbar tongnw ephuo bukhorokgw thok phuldi tei makhang sudi, Kotherok siyatwi nwng okbar tongdok hinwi. Halai nini Apha, jebwnw nungyaphwng chwngbai baksa tongw, keber Bwse obwnw nungnw. Nini Apha, jebw huijak jotho nung, Bwse nwnw sokat rwnw.