Popular Bible Verses from Johon 21

Share

Angko setaʹnaʹ jom tayom, Jisute Simon Pitor metakidie, "Johonren gidrâ Simon, amte ki Ing niâko khoiʹ bisi dulâringâm?" Âni menkede, "He, Probhu, Am baṛeyam je ingte Am dulârmiying." Jisute âni metakidie, "Ingren bhiṛi hoponko âtingkom." Arho Jisute âni dosrate metakidie, "Johonren gidrâ Simon, amte ki Ing dulâringam?" Âni menkede, "He, Probhu, Am baṛeyam je ingte Am dulârmiying." Jisute âni metakidie, "Ingren bheṛako jotnokom." Ânite tesar jhikâ âni metakidie, "Johonren gidrâ Simon, amte ki Ing dulâringâm?" Pitor niâbar dukne, karon Jisute âni tesar jhikâ kulilidie, "Amte ki Ing dulâringâm?" Âni menkede, "Probhu, Am sanamgi baṛeyam je, Ingte Am dulârmiying." Jisute âni metakidie, "Ingren bheṛako khaokom.

Ingte am sâriaʹgi metamkâning, jâkhni am juân tahalenam, tâkhni am nijegi sajoʹsanam ar jeṭheʹ icchâ eṛegi caʹsanam. Kheʹ jâkhni am harmeʹmahaʹ, tâkhni amaʹ ti lahetenmahaʹ ar eṭaʹuniʹte am sajomiheʹ ar jeṭheʹ caʹlaʹ bang namam eṛegi idimkohaʹ."

Ânite angko metakeʹkoe, "Lâukânaʹ jojma hate apeyaʹ jal giṛipe, namkopehaʹ." Tâkhni angkodo jal giṛikedako, ar nâniʹ ḍher hako rakapnako je, angko ana ṭanoketeʹ bang rakap dareledako.

Simon Pitorte angko metakeʹkoe, "Ingdo hako goiʹ caʹkâning." Angko menkedako, "Aleho am saote caʹlehaʹ" Tâkhni angko oṛoʹketeʹ miṭiʹ lâukâre deʹnako, kheʹ inâ nindâ ekegi bang sab dareleʹkoako.