Popular Bible Verses from Johon 5

Share

"Ingte ape sârigi metapekâning, Ingâʹ katha eke atene ar Ing ekete kolkâdinge Âni pâtyuoe âniaʹdo ononto jiui menaʹtaya. Ânido dusi bang men hoʹa, kheʹ ânito goiʹ khoiʹ jiuire paromngekane.

Jisute lelketeʹ baṛekede je âni nengkagi aima din khoiʹ ujuʹminiâ, anate Ânite âni kulikidie, "Amaʹ ki manjoʹaʹ icchâ menaʹtama?"

Apedo Pobitro Sastro aima monojog maketeʹ paṛhoʹape, karon ape moneyape anatigi ononto jiui nampehaʹ. Kheʹ ana Pobitro Sastro to Ingâʹ bisoitigi sakkho maʹe, Taoreho ape jiui namlaʹteho Ingṭheʹ bang hijuʹlaʹ namdape.

Jisute âni metakidie, "Beretop, amaʹ bichnâ rakabketeʹ dara berob." Tâkhnigi âni âdmido manjangene ar aiaʹ bichnâ rakabketeʹ daranlaʹ lagone. Ana din tahalena jiruʹaʹ din.

Niâte Jisute angko netako metakeʹkoe, "Ingte ape sârigi metapekâning, Hopontetʹdo nijete itâʹgi bang rikâdareʹe. Baba akaṭaʹ rikite leleye kebol anagi rikâ dareʹe, karon Baba akaṭaʹ rikie Hopontetʹho anagi rikie.