Popular Bible Verses from Mark 16

Share

Ar Ânite angko metakeʹkoe, "Ape dhârtinaʹ sanam jagare caʹpe ar sanam âdmikoṭheʹ manja khobor procarpe.

Ekeko pâtyuʹako, angko na cinhâko uduʹhoʹhaʹ. Angkote Ingâʹ nutumte kharap atta coṭaʹkokohaʹ, angko naoa naoa bhasate katha menkohaʹ, angkote bing sab rakabkokohaʹ, ar gojoʹlakanaʹ jahanaʹ nuketeʹho angkoaʹ aka khutiho oho hoʹtakoa, angko ruâ âdmiko cetanre ti dohekohaʹ, ar angko manjoʹkohaʹ.

Eke pâtyuʹe ar bâptisma engeye, âni bacoʹheʹ, kheʹ eke bang pâtyuʹe, ânido dusi mente saboʹheʹ.

Ar celako caketeʹ sanam jagare procarlaʹ lagonako. Ar Probhu angko saote kâmikede, ar asarjo kâmi talatigi angkoaʹ procarnaʹ sâriaʹ promankedako.

Tâkhni ânite angko metakeʹkoe, "Alo botoroʹape. Apeto Nasarotio Jisu sendra diâpe Ekeyaʹ tiredo kaṭa bidketeʹ kurusre maholena. Ânido jiuitʹ rakapkane Âni naṛe bânuiâ. Lelpe, naṛe Âni doho holena.

Kheʹ angko koyoʹketeʹ lelkedako je, diri ocoʹnjge hokana. Ana dirido aima marang tahalena. Toyomte angko topanaʹ bhitrire boloketeʹ lelkedako, miṭiʹ juân kora jojma hate jeleng poṛ lugricitʹriʹ soroʹketeʹ duruʹkane. Anate angko botorte camkonako.