Popular Bible Verses from Mark 9

Share

Jisute âni metakidie, "Judi rikâ dareʹam, niâ kathanaʹ mane itâʹ? Eke Issorre pâtyue âni laʹte sanamgi sombhob."

Tâkhnigi gidrâren bot cilluketeʹ menkede, "Ing pâtyuʹkâning, Kheʹ ingâʹ pâtyu thoṛagiâ anate ingâʹ pâtyu baṛhogirim."

Niâtayom Jisu oraʹ bhitrire cane. Tâkhni celakote baiketeʹ âni kulikidiako, "Alete âni bang coṭaʹ darelidiale ceklaʹ?" Jisu menkede," Koijong ar upâs bâgiketeʹ ar jahan lakateho ni lakaniʹ kharap atta bang coṭagoe."

"Bulung manjagia, kheʹ bulungnaʹ sad judi nosṭogena tahale kalkate ananaʹ sad âgu jutuʹhaʹ? Apeya ontor talare bulung dohepe ar ape miʹhor armiʹhor suliʹ sântite tahanpe."

"Jahegi ingâʹ nutumte ni lakaniʹ jahe kâṭiʹgidrâ atangkoako angkotedo inggi atangingâko, ar jete ing atangingâko angkodo kebol ingdo bang atangingâko, kheʹ jete ing kolkâdingge ânigi atangingâko."

Ingte ape sârigi metapekâning, ape Khrisṭoren âdmi mente jahetigi ape miʹ mog daʹ nusopeyako âni kalkateho aiaʹ puruskar bang ade. Ceklaʹbang apedo ingren celakanape.

"Ing cetanre pâtyuonkhoiʹ neko kâṭiʹko talare judi jahetigi jahe Issoraʹ pâtyu khoiʹ âcurie tahale âniaʹ hoṭoʹre miṭiʹ marang jatnaʹ diri tolketeʹ gangare giṛigi borong ânilaʹtedo manjaoa.

Ar judi amaʹ miṭiʹ met Issoraʹ pâtyu khoiʹ âcurie, tahale ana met tot girim. Bar met lie norokre boloʹ khoiʹ miṭiʹ met lie Issoraʹ Rajjore boloʹ amaʹ pokkhe manjaoa.