Popular Bible Verses from လူၤကၣ် 3

Share

တချုးတၢ်တ့ၢ်နုဝံၤအီၤလိ တၢ်စၢၣ်ဂၤလီၢ်ဘၠီၣ်ထီဖူၣ်ထီခၠၢ ဘၣ်တၢ်ဘျၢအီၤလိထံဝံၤအလီၢ်ခံနဲၢ်, ယ့ၣ်ရှူးနဲၢ်နဲၢ်ဘၣ်တၢ်ဘျၢအီၤလိထံနဲၢ်လိ. ဖဲအဝဲဒၣ်ဃ့ဘါထုကဖၣ်တၢ်အဖၢမုၢ်နဲၢ်, မွိခွိၣ်အွိးထီၣ်အသး. ဘျီးသၣ်စီဆှံဟဲလီၤလိ အလိၤအိၣ်လါနီၢ်ခိအက့ၢ်အဂီၤဒ်ထွိၣ်လွံၢ်တဘ့ၣ်အသိးနဲၢ်လိ. ဘျီးတၢ်ကလုၢ်သီၣ်ထီၣ်လိ မွိခွိၣ်ဘျီးစံးဝဲ, “နၤဒၣ်အံၤ နမဲၢ်ယဖွိခွါဒၣ်ဝဲလိယအဲၣ်အီၤတဂၤလိ. ယဘၣ်သူၣ်ဘၣ်သးနီနၤလိ.”

လိတၢ်နံၤအဃိ, စီၤယိၤဟၣ်စံးဘၣ်အဝဲဝီၤကိးဂၤဒ့း, “ယဲဒၣ်အံၤ, ယဒိးဘျၢသုလိထ့းလိ. မဲၢ်မဲၢ်ဘၠီၣ်ဟဲဝဲတဂၤလိ အဒွိၣ်နဲၢ်ဒံးယၤစၢတလၢၢ်လိ. ယတကြၢးတဘၣ်ဒၣ်လဲၣ်လိယကဘ့လီၤနဲၢ်အဝဲဒၣ်အခီၣ်ဖံးပျံၤအဂီၢ်နဲၢ်လိ. အဝဲဒၣ် ကဘျၢသုလိ သၣ်စီဆှံဘျီးလိ မဲၣ်နဲၢ်လိ.

မၤဖျါထီၣ်တၢ်အံၤတလိၣ်လိ အကဒုးနဲၣ်ဖျါထီၣ်လိ သုဃၣ်ကွံၤလ့သုသးလိ တၢ်ဒဲးဘးတလိၣ်နဲၢ်တကဲၢ်. ဘျီးတဘၣ်စံးလိၤသုသးပကိပကိ လိ စီၤအၤဘြၤဟၣ်မဲၢ် သုပၢ်ဖးဒွိၣ်လိ သုဟဲလီၤစၢၤလိ အီၤတဂၤနဲၢ်တဂ့ၤ. ယစံးဘၣ်သုလိ ကစၢ်ယွၤဟံးနဲၢ်လၢၢ်တလိၣ်အံၤဘျီး ဒွိးကဲၣ်ထီၣ်ဝဲစၢၤသွဲၣ်တလိၣ်လိ စီၤအၤဘြၤဟၣ်အဂီၢ်နဲၢ်သ့းဝဲလိ.

ခဲနဲအံၤအဆၢကတီၢ်ကွၣ်အိၣ်ကတဲၤကတီၤပၤလ့အသးလိ တၢ်ကကူၤလီၤကွံၤသ့ၣ်တလိၣ်တုၤလိ အဂံၢ်ခီၣ်ထံးလိ. သ့ၣ်တခွိၣ်လၢ်လၢ်လိ အတသၣ်ထီၣ်တၢ်သၣ်အဂ့ၤနဲၢ်, ကဘၣ်တၢ်ကူၤလီၤဘျီး တ့ၢ်လီၤကွံၤအီၤလိ မဲၣ်အပူၤလိ.”

ဒ်တၢ်ကွ့းပၤအသးဖဲလ့ၤဝံယရှါယၤအပူၤအသိး, “ဘၠီၣ်တဂၤကိးကလူးထီၣ်လိ ပှၢ်လၤကျၣ် အပူၤ, အိၣ်ကတဲၤကတီၤပၤကျဲၣ်မုၢ်ဒွိၣ်လိ ကစၢ်အဂီၢ်, မၤနဲၢ်ကျဲၣ်ဖွိအလိၤတဘိၣ်လိ အဝဲဒၣ် ကလဲၤတၢ်အဂီၢ်တကဲၢ်. ကယဲၢ်ကစၢၢ်ကဆူးတၢ်လူၢ်တၢ်တြီၤ ကဘၣ်တၢ်မၤပှဲၤထီၣ်အီၤ, ကယဲၢ်တၢ်လူၢ်တၢ်တြီၤလါကစၢၢ်ခွိၣ်ကလိကျၣ်တလိၣ် ကဘၣ်တၢ်မၤပၢၤအီၤ ကယဲၢ်ကျဲၣ်အက့ၢ်အကူ တလိၣ်, ကဘၣ်တၢ်မၤလိၤအီၤ, ဘျီးကျဲၣ်ဖွိလိ အထီၣ်ခူလီၤယၢၣ်တလိၣ် ကဘၣ်တၢ်မၤပှဲၤထီၣ်အီၤလိ.” ဝံၤဘျီးဘၠီၣ်ဟီၣ်ခွိၣ်ဖွိကိးဂၤဒ့း ကထ့ၣ်ဘၣ် ကစၢ်ယွၤအတၢ်အုၣ်က့ၤခီၣ်က့ၤလိ.