Popular Bible Verses from လုကာ 10

Share

ငါးဒွို အပ်ဖီထွို့လိနားက့ အခွင်အာဏာ ဖီကယျန်ဖွမ်ဒါ မိစ္ဆာတလီဟ ဗွမ့်နောင် အကျွူကဒူဒါ ကူသေ့ဖုန်းနောင် တဘင့်ခင်မိန်ကွိဖုန်းတာထွို့ ဖီကအောင်ပေးဒါ မာရ်နတ် ကပျန့်ဒါ နားက့ရန်ဆူ တန်ခိုကားကအို အွယ့်ကြားမဲ့ တာကမားဘာလဲ့ယောဝ်း အီမိုးထိခွိုက်ဒါဒါ့ နားက့ လိမေဟာ။

အွယ့်ခါ့ ကိုယ်တော်အွယ့် “မာသ၊ နားနုဲင့် အိုနန်တိုတာ ကိစ္စဟေတန်ဖုန်းတို။ ဒေါင့်မာလဲ့ အမှန်ဒွို တာအိုလူယွမ်ယွမ်ဒွို အိုအဘာဟို့။ တွိုမာရိဒွို လွိုက်ရွေစေးထွို့လိတို အီမိုးတာအွယ့်ဘာ အွယ့်ကြားမဲ့ လမားလဲ့ ပုဲင်ယားကေ့ဒါဟဒွမ်း တာအွယ့်ဘာ အာဆောင့်ကုဟာ” မိန့်လေနိန်းအွယ့်။

ပလူးအွယ့်ပလားအွယ့် “လိတ်ကျမ်ကုဒီ့ ‘ရက် နားဗွယ်ဖရာ နောင်နန်၊ သ့၊ သ့သာ အန်တွမ့်ပါး လူးလူးလုဲင် ဗွမ့်နောင် တျန်စေးကန်းနိန်းအွယ့် နားယွမ်တီးစာဖုန်းဒီ့လဲ့ ရက်ဗွမ့်နောင် ရက်ချာနားနန်တိုးလုဲင်’ နိန်းအွယ့်လဲ့ အိုတျန်တျန်စေးကန်း” ပြန်လျှောက်ချာဒါ့နိန်းအွယ့်။

ခရားအီအန်ကြွ့လေ တပည့်ဖုန်းခါ့ ကိုယ်တော်အွယ့် မိန့်ကွင်အာကာနိန်းဒွိုး “ပလူးအီလက်ခံ အီယွမ်အန်ငါးစာဖုန်းဒွို အိုစေးကန်းထွို့လိတို ဟေတန်လဲ့ ပလူးကအီဟိုဒေါင့်ဖီဒါ မင်္ဂလာစတင်းခို ပလူးအွယ့်ဟိုဆောင့်စာဖုန်းဒွို ဆျန်ယွမ်တွို့တာ။ ပလူးအွယ့်ဟိုဒီ့ ဗွမ့်တိုနောင် အီကေးဆျန်တာ အိုစေးကန်းထွို့လိဒါ လယ်ကွင်ဒူလေတန်ဖုန်း။ ဒေါင့်မာလဲ့ အီကေ့ဆျန်လုဲင်အွယ့်ဘာတာ တမိုးစာဖုန်း လွမ်ဟ။ အွယ့်ကြားမဲ့ အီကေးဆျန်တာ ဖီကအန်ကြွ့လင်း ပေါင်းဟေဟေ တမိုးစာဖုန်းတာ ဆုတောင်လျှောက်လိုကာ ကပျန့်ဒါ လုဲင်ဗွယ် ဗွယ်ဖရာဆောင့်လုဲင်။

ထွို့မဲ့ ကိုယ်တော်ယေရှုအွယ့် “ပလူးအွယ့်အန်တတွမ့်ကုဒီ့ ကခံဘာဒါ ကျွမ်ကျွမ်စာအွယ့်ပလား ယွမ်တီးစာအကျက်ဒွို ပျန့်လမာနားထင်” တစီ့ကျမ်ဒါဆရာအွယ့်ပလားနိန်းအွယ့်။ အွယ့်ခါ့ ကျမ်ဒါဆရာအွယ့်ပလားအွယ့် “ပျန့်တို ပလူးသညင်အာလောင်ထွို့ ကူညီဖီအာစာဟနေ” ထွိုင်ပြန်ဖရေချာနိန်းအွယ့်ခါ့ ကိုယ်တော်အွယ့် “နားနုဲင့်လဲ့ စမိုးပလူးဖုန်း ဗွမ့်နောင်နိန်းအွယ့်အွယ့်လုဲင်” မိန့်နိန်းအွယ့်။

လေးကာချန်း ဒွိုးခါ့လုဲင်။ ငါးကအန်ကြွ့လေးဒါ နားက့ဒွို ဗွမ့်တိုနောင် ဖီကြွ့လေ သိုးပီဖုန်း ကသေ့ကရွုန်ဒါ ချူနွူးဖုန်းခါကု နားက့ဒွို အီကြုံလိုကာဘာနောင် အန္တာရာယ်ဖုန်း။