Popular Bible Verses from ရှင်လုကာ 13

Share

အဲခါ ကိုယ်တော်ယေရှုဟ “အီတစ်အီရဲ့ ခေါ့ပေါ့ကျဥ်းကျဥ်းရားနတူဝို ဘုရားရှင်ရဲ့သာသနာတော်ထဲဝို ဝမ်နိုင်ဝို့ သေချာကြိုးစားဂေ့လော့။ ဟဲဖြစ်ရိနူးဆိုဝါ လူများဂီးဟ အဲမိုထဲဝို ဝမ်ရော့ဝို့တွက် နည်းမျိုးဇုံန ကြိုးစားဂေ့ပေမဲ့ ဝမ်နိုင်ဂေ့မှာမုဝ ဆိုပီး ငါပြောနိုင်ရယ်။

အဲမိုနေရာမှာ ကောဆိုးဝါး ပြုဇားခံရဝို မီးမတယော့ရှေ့လေရယ်။ သူဟ အဲမိုမကောဆိုးဝါးဂျော့ ဆယ့်ရှစ်နှစ်လုံးလုံး နေမကောဖြစ်ပီး ခါး ကူးနေရိ တည့်တည့်ရပ်နိုင်ရ။ ကိုယ်တော်ယေရှုဟ အဲမိုမီးမဝို ဗြင်ဝိုခါမှာ သူ့ဝို လှမ်းခေါ်လိုက်ပီး “ညီမ၊ နန့်နာရောဂါ ပျော့ကမ်းပီ” ဆိုပီး မိတော်မူလေရယ်။

အဲနော့ ကိုယ်တော်ယေရှုဟ သူရဲ့လက်ဝို အဲမိုမီးမပေါ်ဝို တံလိုက်လေရယ်။ ချင့်ချင်းဘဲ့ သူဟ ခါးဆန့်ရားပီး ဘုရားရှင်ဝို ချီးမွမ်းတော်မူလေရယ်။

အဲခါမှာ ခုရေးပါဘဲဝိုသူဒွေဟ ရေးဂီးဆုံး ပုဂ္ဂိုလ်ဒွေဖြစ်ဂေ့ဝီး ၊ ခုရေးဂီးဆုံးပုဂ္ဂိုလ်ဒွေဟ ရေးပါဘဲဝို ပုဂ္ဂိုလ်ဒွေ ဖြစ်လာဂေ့လိမယ်။” ဆိုပီး မိတော်မူလေရယ်။

အီရှင်နတူဝို ဘုရားရှင်ဟ နေ့နေ့မှာ ခေါ့ပေါ့ဝို ထပီး ပိလိုက်ရယ်ဆိုဝါ နန်းနို့ဟ ပလန်ဖက်မှာရပ်ပီး ‘ဆရာ၊ ခေါ့ပေါ့ ဖွမ့်ပေးပါဦး’ ဆိုပီး ပြောဂေ့ရလိမယ်။ အယ်ဘေမဲ့ သူဟ ‘ငါ နန်းနို့ဝို သိရ၊ နန်းနို့ဟ ဟယ်ဟနူး’ ဆိုပီး ပလန်ပြောလိမယ်။

အဲမျိုးမုဝ။ နန်းနို့ဝို ငါပြောမယ်၊ နန်းနို့ရဲ့ ပြစ်ဒွေဝို နန်းနို့နော်ဒ မရရဆိုဝါ နန်းနို့လဲ အဲမျိုးဘဲ့ သေကြေပျစ်ဆီးဂေ့ရလိမယ်” ဆိုပီး မိတော်မူလေရယ်။

အယ်ဘေမဲ့ သူဟ ‘နန်းနို့ ဟယ်သူဆိုဇာလဲ ငါသိဘဲဝိုမျိုး ဟယ်ရလာရယ်ဆိုဇာဝိုလဲ ငါသိရ၊ ဆိုးသွမ်းဝိုသူဒွေ၊ ငါ့ဆီဟ ထွက်ရားဂေ့ပါ’ ဆိုပီး ပြောလိမယ်။

အဲနော့ ကိုယ်တော်ယေရှုဟ “ဘုရားရှင်သာသနာတော်ဟ ဟဲမျိုးနတူနူးဆိုဇာဝို နန်းနို့ဝို နှိုင်းယှဥ်ပြမယ်” ဆိုပီး မိတော်မူလေရယ်။ “အဲမိုဇာဟ မုန်ညင်းဇေ့နတူလေရယ်။ လူတယော့ဟ မုန်ညင်းဇေ့ဝိုယူပီး ဥယျာဥ်ထဲမှာ စိုက်ပျိုးရယ်။ အဲမိုစေ့ဟ ပမ်ဂီးရီးဖြစ်လာဝိုခါမှာ ငှက်ဒွေဟလဲ အဲမိုပမ်ရဲ့ကိုင်းခက်ဒွေမှာ သိုက်ဖွဲ့ပီး နေဂေ့လေရယ်” ဆိုပီး မိတော်မူလေရယ်။