Popular Bible Verses from Blasi Sturka 45

Share

Sakun, pliskam pali, man nani sari takpara, kupiam sin baikpara, man nani mita ai atkram ba ra wisi. Gâd mita sika baku dauki, man nani kainamra ai blikan nâra balri, upla rayaka nani ailal ba swaki sakaia dukiara.

Bamna Gâd mita sika naha tasbaya ra ai blikan, man nani lika diara daukras. Witin mita sika king fero watla ra ai bri balan, witin ra lâ smalkaia, watla dawanka sin aimakaia, bara Idsip tasbaya aiska wihtka sin ai mangkan.

Gâd mita man nani kainamra nâra ai blikan balri, man nani kiamkam ba tasba ra ban bâra kaia dukiara. Dawan wark aihkakira nani daukisa, man nani rayakam ba swaki sakaia mata.

Sakuna Josep witin nani ra win: —Man nani, pliskam pali, laimara bal. Ai muihni nani ba ai lamara balan, bara witin nani ra win: —Yang sika Josep man nani muihkam, man nani mita Idsip uplika nani ra ai atkram ba.

Pat mani wâl plun tiwan piua ba baha kuntrika ra alkan sa. Sakuna kau mani matsip sa, baha piua nani ra plun mâ krikaia âpu kabia. Ban kra saumuk ba mangkbia sin, diara takbia apia.

Josep ai muihni nani ra win: —Yang sika Josep. ¿Yang aisiki ba kau raya sa ki? Witin nani sirang tara pali iwan ba mita pana sip diara aisaras kan.