Popular Bible Verses from Luk 11

Share

Man nani upla saura, ban sakuna luhpiam nani ra diara pain nani yaia nu sma, ¡kau pali Aisikam kasbrika purara ba Spirit Holikira yabia, baha nani witin ra makabia ba ra!

Baku bamna, yang bui man nani ra mai wisna: Makabi bas, bara Gâd mita maikbia; pliki bas, bara sâkma; dur ra kingbi bas, bara man nani ra kwâkan kabia.

Kan ya makabi ba, brisa; bara ya pliki ba, sakisa; bara dur ra kingbi ba ra sin, kwâkan sa.

Jisas bila witin nani ra: —Man nani puram sunma ba ra, naku wis: ‘Aisa, ninam holikira ba kulkan kabia. Man king aimakaia ba yarka balbia.

Yang nani saurki nani ba ban swih tiks, wan mapara saura dauki uplika nani ra yang nani mita saurka tikisna ba baku. Wan traika kaikan mihta ra ban wan swipara.’

Yu bani, yang nani aitani piaia praiska plun aiki bas.

Wan nakra nani ba lika wan wîna tara lampka baku sa; man namkra nani ba pain sa kaka, man wînam tara aiska ingni brisa; sakuna man namkra nani ba saura sa kaka, wînam tara aiska ba tihmu ra sa.

“Upla kumi sin âpu sa, lamp angki ba ra plis kum ra yukuki swi ba, apia kaka, baks tara kum munhtara mangki ba; sakuna witin lika purara sunuya, upla nani bal dimi ba ingni bri kaia dukiara.