Popular Bible Verses from LUK 7

Share

Lilani mè kushama, wa kulololo masomo mavul mani akiere nze. Lizolo la ndé lalinene wa limwese. Kasi mundu munga masomo mani ndambi akiere ndé, uyi mwenese ndambi ya lizolo kibene.» Yezu wusiama mukandi wani:» mè kulololo mu masomo ma nze wè mu ngembe.»

Kasi Yezu wasiami mukandi:» wè mu ngembe, likwikili lanze la kuzwinisi».

Wamiari kungwe la Yezu, mfinama andi miele miandé, wa lélé se wa tebese mielé miandé andi nsang ya ndé. Tang lé wa kwisi mielé miandé andi nswé ya ndé. Wayi pà bèze se wa kwiri madiasi.

Loka mè ngielé kibene wanga ko mu kuya kunzo ya mè. Kasi pà nswa kukwani. mè mu ngieba le mpiki wa mè wu zunu. Mè mu ngieba munga ngielé andi bamfumu ba bapumbulu bu paka mè mansik, mè se ngielé andi bapumbulu bani mpaka mè mansik Mè ngielé andi mfunu ya kubali «we» ndé mawè. Mè le nzola kubali kwelé wo wasà» yà» ndé se mayà, mè mpaka nswa kwelé mpiki wa mè» kieri bie» ndé se wakieri.» Tang awé Yezu yani atwere ndé, wayitiki. wa bumu kwelé bandi bani baliaba ndé ubasiama:» mè lisiama, masongo, loka mè ku bamono mundu mwese wa Yisalaele wani kwikila ngolo kwelé mè.

Mu tang lani, Yezu wa zwinisi bandi bavul bakiali andi bukiali, bandi ba bifu andi miwungu mia mbi, wa sorolo misi mia bifha misi biavul. Yezu wufirila bansari ba Zaa:» Lifiri limusiami Zaa yani la mono be andi kuwo: bifha misi bimona, bandi ba bifu butambila, bani bakiali andi bukiali banko buzuna, bifha matswé biwoka, bamvimi bu futumuka se nsangi ya mboto yi longama kwelé ba mbolo.