Popular Bible Verses from Luqka 6

Share

Khrawng heq j peso bjiq cuq. Jn hxvj yawng nang'hi yj kha petsot khrawng nan'khawm laq ai. Nang'hi na khrawng heq j nan'petsot baw tjng ngj 'Pxtpaw Phawlaw' na nang'hi yj a'petsot ba vai" tiyj a'hawu.

Khrawng pawi na ce nhi lung duk kj mji tiq bji tiq heq khrawng lungbong pawi yj a'dawn theq. Khrawng si na ce nhi lung duk kj mji tiq bji yaq tiq heq khrawng lungbong si yj a'dawn theq. Ibahai yj nawk hxce nang'hi lungbong duk kj mji tiq heq yawng nan'mongkhok kj nan'hawu khennj.

I-baw e-baw sinakha nang'hi na nan'sunpui yj mitta taw bjiq cuq. Jn heq tok kj bji tiq poqcai pet bjiq cuq. Kan'laq ba vai tiyj khin theqna punyhiq kawq cuq. Jn baw nan'poqcai hxvj yawng hawn luq j kxq nan'laq ba hai suqlet khrawng a'lhji yj len theqna nang'hi kha lhxng dj len dj tiq 'Pxtpaw Phawlaw' caw-nawu heq j nan'thonne yai. Ibahai yj nawk hxce 'Pxtpaw Phawlaw' na seye naw theq yaq tiq heq na ljng tiq heq khrawng a'manne khen cuvj.

Nang'hi 'Paw Phawlaw' na nhi tiq a'manne baw tjng ngj nang'hi na kha manne pet bji cuq.

"Khrawng heq kret phansa kawq cuq. Jn hxvj yawng nang'hi kret kha phansa khrawng khawm laq hai siyju cuq. Khrawng heq sunsawng kawq cuq. Jn hxvj yawng nang'hi kha sunsawng khrawng khawm laq hai siyju cuq. Khrawng heq kret lhjq pet bjiq cuq. Jn hxvj yawng nang'hi kret kha lhju khrawng nan'khawm laq ai.

"Jn baw na kha tuq j ke kheukhaw nge tiq nang'hi yj ka'hawu vai nan'sunpui heq khet bjiq cuq. Sunpui heq j kha mitta taw bjiq cuq. Nang'hi mhudawm tiq heq kha a'pawi caw vj mji pui naw bjiq cuq. Nang'hi thaiset naw tiq heq j kha a'pawi poqcai pet bjiq cuq. Nang'hi ceng ngj ham soi tiq heq j ce 'Pxtpaw Phawlaw' na bji tiq a'pet hai suqtong pet bjiq cuq.

Nan'punghaw vj an'poqcai hai na'lx ve baw vj khrawng ngj kha poqcai pet bji.

Khrawng pjinghawt na nang mhawi vawng lawm a'baq na ce a'tha vawng lawm kha ba ye sawk bjiq. A'khrung phang tong tiq khrawng ngj a'duk phang kha pe bjiq. Nang ceng ngj u-nghawt e-nghawt tong lo tiq khrawng ngj peso bjiq. Nang kxqkjn kxq-e ti heq ceng ngj kxq kha tong ba kawq.

Pawi tiq thing ngj pawi yaq tiq a'theq the yaq baw vj pawi yaq tiq thing ngj kha pawi tiq a'theq the khoq hai siyju.

A'theq so na a'thing na'cok khoq. A'lhing thing ngj kxq thabeq theqna'sik khoq yaq baw vj a'lhing khrum duk kj kxq 'Capyek' theq sik khok yju.