Popular Bible Verses from Galati 2

Share

Äi koong kei hengti nga, Krito dä kei äng heng bala mäi saw. Tua kei heng ngala kämäi saw ha Hnadaga chaw khrung äng yum ngala dä. Ani la kei a ekhet naw bala kei koong sawk epekei.

Hnadaga käh äi khetjen a kei hiyum sawk nga. Thung ngei tila dä konghmuh sang ini thänei hnäng hi, Krito düaih saw hlü thaw hnawh saw.

Ihi khäh, keinih Yudi thänei ungala luhdül äng kini lo. Keinih Yudi hiyahtih huih ngulaisu hi unga. Tua keinih kini hmawt, Yĕsu Krito a yumei bala khrawng hngat konghmuh sang äthänei hnäng, Mosi käh thung la hawu saw huih bi kawi äng krängak ha khrawng hngat konghmuh sang thänei hnängah. Äi koong keinih Yĕsu Krito a yumei ungala dä konghmuh sanga kini thänei saw, thung la hawu saw bi kawi äng hiyah. Iyaäm thung la hawu saw bi kawi äng hngat ha konghmuh sang thänei hnängah.