Popular Bible Verses from Galati 5

Share

Äini awkhraw äng käh theih che ekhet, awpiyaw, jelkhiyamsa, chunei khrang, ekhet khrang, awpawi khrang, yumphoih, nümchawng chawng, awlaw nupum hlupei khrang. Ni khäl po hnäng hnawh ti ting iha thung mäyah.

Kei kawhawu saw che ni, nangnih Asanh chang Khraw lawm äng chetchonei khäl. Äi huih nini mäi khaw lawgah kantha la hlüei saw hluih hnawh chu.

Äini nangkei dä Asanh chang Khraw äng ini sawk ini bünei khaw, lo khäl nangkei awkhraw sitha äng chetchonei äng khäh.

Ubang Yĕsu Krito ängtu mäi äm, anih la anih käh lawgah kantha hlü khäl kheni krut äng ini thawnal.

Ngulai äng käh bi khäl che sanh sanh dawngei, äi khäl che ini mik sawuvei saw, sanh u saw, ini krak saw, ulupchaw a ini rosi saw, hmäng ini dawn saw, lan ini thänei saw, ini siyei saw, selei saw, ini man poksaw, upum jiji sotei saw, bälei hnängah saw, awsawng sawng ini pheyei saw, ini keleh ei saw, ini moi saw, hĕu hĕu a poyei ula alak ini ok saw awlaw anih la ini bisaw ni huih awbawng mäi. Kei ayang ha nangnih a sidih kanang pek hüt, tua ha sidih kanang pek ngala kawhawu, ni huih poei tih khäl che mawng Hnadaga käh pre a vawngal lah hnawh u.

Kei khanbawn khälo, nini lung sitha huih nini mäiyeh koong Hnadaga la nangnih a anang panei saw. Äini nangnih käh ulung hlü a ngulai khrang a pängeyei sawkai chu. Äichaw a ekhet lung äng hngat la hngata chetchaw ei khäl.

Lawgah kantha la i hlüei äm, Asanh chang Khraw la äi hlüeyah. Awlaw Asanh chang Khraw la i hlüei äm, lawgah kantha la äi hlüeyah. Lawgah kantha la Asanh chang Khraw käh sitha tueyah koong nangnih ibang nini poh aih khiyang äm äi poai chu.

Iyaäm thung kheni pong hmueiyal bala ni kheu hngat hawu hmuei, “Nang im chengsaw khäla nakantha huih khetnaw bäi.”

Nangkei bawriyei pu, hngat la hngata man thouhvei ei pu awlaw keleh eyei pu.

Nangkei ini lung hlü äng ini mäiyeih koong dä Krito la nangkei a Mosi käh thung känäng khrawng khiyawtal saw. Ulung hlü äng mäitih khrawng huih mama ja chula mäi khäl. Awlaw a hngasaw a thäneyal tiyeichu.