Popular Bible Verses from Yohan 10

Share

Sukhä lo saw che mukaih koong awlaw utukaih koong awlaw akhrah aih koong. Äini Kei kolo saw che anih la ihisaw sawk bünei hmawna awlaw ini hlüei saw kheni bünei hmawna.

Kei dä pawitih sum samphomah kiyongtih. Pawitih samphomah kiyongtih la upum käh samphomah koong awsawk pekei.

Kei käh samphomah la kei sam khin khäh. Kei anih a kaw hmawt awlaw anih Kei hnüng äng ini lo.

Kei anih a päihyah saw sawk kepek. Anih krängak ha dü hnawh u. Hngat la ha Kei kut känäng anih a u huh ei hnäng hnawh u.

Kei dä tamkha. Kei duk känäng u bang aw vawng äm ani awkiyawtalai. Ani uduka olo hnängai awlaw apranga echet hnängai awlaw ei dün phüm ini büneyei.

Kei dä pawitih samphomah kiyongtih. Kei käh khäla kei kawhmawt khäh awlaw Kei käh khälla Kei a khrawng hmawt khäh.

Kei Paw la dä Kei a äi khäl epek saw. Paw che üküt thawka elensum. Hngat la ha Paw kut känäng anih a huh ei hnäng hnawh u. Paw la Kei lup khiyang.”

Äi huih kawchawng chawng Paw la Kei a awhmawt khäh awlaw Paw a Kei ha kawhmawt khäh, awlaw Kei samphomah koong kawsawk kepekei hnäng khäh.

Hngat la ha Kei känäng kawsawk lawei hnäng u. Kei kisitha äng dä kepekei saw. Sawk kepekeyeih saw thayung Kei a mäi khäh awlaw sawk kawlaw keyalaih saw thayung ha Kei a mäi khäh. Ni bikhäl Paw la Kei kibiyeih koong ana epek saw.”

Äi koong Yĕsu la awlaw tak, “Kei ihisaw kanang tak, Kei dä samphomah khäl käh tamkha.

Ubang samphomah kiyongtih hiyah äm, awlaw samphomah upum la taweiyah äm, äi hnga hmueitih khrawng la hni lo saw uhmuh khaw samphomah hiyän bala chonal. Äihi äi hni la samphomah mawn bala ichih ei awlaw samphomah khäl ini khrih ei chak.

“Kei lälä kanang tak, lusupei samphomah kheng tamkha känäng vawngah pak awhngaw lawm känäng vawng hi, äi khrawng che sukhä hiyah thän tamdah.