Popular Bible Verses from Rom 6

Share

Ngulai la anang pek saw khawh che düsaw, äini Hnadaga la khemeih peksaw phiyaw phoih che Boi Krito Yĕsu äng päihyah saw sawk.

Nangnih ngulai käh hngasaw hi chu. Iyaäm nangnih che thung kawla hiyah äini Hnadaga käh khetjen kawla dä nini mäi saw.

Paw Hnadaga la Ani käh a wachang äng Krito a düsaw känäng thouwal saw huih nangkei ha atha sawk lawm äng chetei hmawna, nangkei tuilüh ini lawkei saw äng Krito ängtu ini dü awlaw phul ini hmuei.

Nakantha äng käh iha ngulai vawna thäneyeih koong ngulai kut äng awpaiti. Äini düsaw känäng thouwal tih khrawng koong dä nupuma Hnadaga khäka awpei. Awlaw nakantha äng käh kheni konghmuh vawna thäneyeih saw koong Hnadaga khäka awpei.

Nangkei ini hmawt khäh, nangkei käh ngulai kiyangk käh tha krak chak hmawna kiyangk phema Krito Yĕsi ängtu krut äng thawn hmueitih, nangkei ngulai käh hngasaw mäitiya pak.

Äi huih nangnih ha ngulai khäka nini puma üdü ting khinei khäl. Awlaw Krito äng nangnih sakei chula Hnadaga ängtu heng chula nini mäi.

Bakhaw nangkei i ini hawuvai saw äm? Hnadaga käh khetjen nung hmawna nangkei ngulai ini biyeih hläng saw ei? Asang bang hiyah! Ngulai khäka nangkei ini dü däk. Äithän iba nangkei tua ha ngulai lawm äng ini cheteipe saw äm?

Nangnih hmawt chu ei, hngasaw huih nangnih nini puma pochongak kutäng nini awpei khaw awlaw ani kheu nini khin khaw, nangnih ani käh hngasaw a nini thänei saw? Äi huih nangnih ngulai käh hngasaw thänei chula nini dü hnäng hiyah thän konghmuh sanga thänei hmawna Hnadaga käh ngeitih hngasaw a nini thänei hnäng.

Äini Hnadaga a äkiyä kawtawngei, iyaäm nangnih ngulai käh hngasaw nini mäi hüt thän, nangnih a chok hmuei saw kheu khäl nini lung ko pekei chula nini ngei khäh. Ngulai känäng nini lätal däk awlaw konghmuh käh hngasaw nini thäneyal däk.