Popular Bible Verses from Ugiti 3

Share

Ana vuka va ve enei umaci u maɗanga wa wi ta̱ n ugaꞋin u kulyaꞋa, n ugaꞋin u kinda. U ciga ta̱ kpamu u ciya̱ cicoꞋo tsu na ci punu, ɗa u taꞋi umaci u maɗanga wa ɗa u lyaꞋi. Ɗa u neꞋi vali va, ɗaɗa u lyaꞋi feu.

Koko ka laꞋa ta̱ nnama n na Ka̱shile Vuzavaguɗu u yaꞋin dem n ugboji. Ɗa ke ecei vuka va, <<Mayu ɗa Ka̱shile ka danai, <Ka̱ta̱ i lyaꞋa umaci wu nɗanga u na wi punu a kashina ka ba?> >>

Mi ta̱ a kuzuwaka ɗa̱ tsurala avu n vuka va, a̱ ka̱tsuma̱ ka ntsukaya n nu koɓolo nu ntsukaya n vuka ma. Wi ta̱ o kuɓoso wu a kaci, ama avu vi ta̱ a kuluma yi a̱ ka̱civa̱.>>

Ɗa u danai vuka va, <<Vi ta̱ e kene atakaci n a̱bunda̱i a na n kuneke wu a̱ ubuta̱ u limata. Nu mɓa̱la̱ n ɗa va kumatsa muku. Ka̱ɗu ka̱ nu ki ta̱ o kuyongo a̱ ubuta̱ u vali nu, a̱yi ɗa ta na u kulyaꞋa tsugono wa̱ nu.>>

Vi ta̱ e kulemgbe kafu vi lyaꞋa ilikulya, ali kanna ka na vu bonoi punu a iɗika ya, adama a na ta punu vu uta̱i. Avu kubuta̱ ku ɗa, a̱ kubuta̱ ku ɗa kpamu vo kubono.>>

Ɗa Ka̱shile Vuzavaguɗu u danai A̱da̱mu, <<Adama a na vu pana ta̱ kadanshi ka vuka vu nu, ɗa vi lyaꞋi maɗanga ma na n danai nu <Ka̱ta̱ vi lyaꞋa ba,> adama a̱ nu n yaꞋanka ta̱ iɗika dem una̱, sai vi yaꞋan atakaci kafu vi lyaꞋa, ali kanna ka na vu kuwa̱i.

Ɗa Ka̱shile Vuzavaguɗu we ecei ni, <<Yayi u danai koshomboɗi kaꞋa vi? Ko vi lyaꞋa ta̱ maɗanga ma na n danai ka̱ta̱ vi lyaꞋa ba va?>>

Ana u lokoi vuma va, ɗa u zuwai ɗe corobi a̱ na̱shi punu a kashina ka a uɓon u kasana, n otokobi a akina a kulyaꞋa una̱ u re dem adama a na a̱ sa̱nka̱ vuma va kuꞋuwa a kashina ka.

Ɗa A̱da̱mu u neꞋi vuka vi ni kula Hawa, adama a na a̱yi ɗa u kokpo akaya a uma ra̱ka̱.