Popular Bible Verses from Maruku 13

Share

Naa chǝka wun kar wunchi kǝthlǝm nggǝta, paɗaa nat thla kǝrǝschǝ kǝ ndukwaɗan nan hǝraˈta.

Kǝ mbǝrwunsi, kǝ chok wun tǝ tahǝsfa. Kǝ nowun shita, Kǝthlǝm sǝnwowun wanshengngǝnɗi naa fartaˈan ɓata wa.

Maa ǝ kǝsowunchi nda kǝ ɗǝndǝ tǝ wunchi kǝmɗi fǝ chak mii cha, mǝ lekǝwun kǝ ɗar mǝ natwun mbuˈta wa. Mbuˈam ǝnɗi fǝrowundǝ fee fartǝ ini. Kǝthlǝm ngga kun nech ndikta wa, Shemeta thla Chiɗ Chiɗ.

Chǝk mǝ ǝ hulafǝrta tǝ heshi, nan thlǝrǝt tǝ kaɗi, ndiktinchi ngee tam thlǝrǝt kaɗ wa.

“Paɗaa kǝ ɓǝra fartaˈan ndu wanshengnan nefsǝ sǝncha wa. Chǝka fǝ thlǝnchi Farta hulafǝrta, ndu Wanan wa, Chinan ndak.

Maa ǝ sǝkwun yaancha, tǝ paɗ kusheˈtǝ yaancha, mǝ thlaˈ hurˈinchiyowun wa. Nwaat kǝ landǝ sǝɓta, nat tǝ kǝɗu saˈwu mecheɗan wa.

“Kǝthlǝm ndaˈan chokam tǝ tahǝsfa. Kǝthlǝm sǝnwowun wan shengngǝnɗi naa thlǝ wuran ɓat kaɗ wa. Ndu kǝɓǝ kaɗ farwita, ndu ɗar wita, ndu ǝ kwarti chemsa ndu walwurta. Kǝ ɓǝ tukuthl, kǝ ɓǝ mbǝsowunda kun saˈena wa. Ənɗi nati mbuˈowundiya, nggǝt mbuˈandi nafchǝ nat. ‘Chokam tǝ tahǝsfa.’”

Na hahǝ thlaˈandǝ hahǝ fa, paɗ kuturcha kǝ thlaˈandǝ mǝt kuturaktǝ fa. Na hahǝ rǝbtǝf kaan michǝ samǝn samǝn, naa fee chǝt mita. Ndaˈan nech kǝ tǝrkwathl kan nggwarkwana.

Paɗaa kwastǝ ndiktǝɗiya naa fee ɓassandǝ kaɗ hur hahichi nat kwanɗǝn, kǝn ndukwa heshi ɓata.

Tǝrchan nafcha nech ɓat hur thlǝmna ndat wa, nggǝt nech kǝ Kǝristi, nandǝ naa ɗǝf nafchi terchan kǝ lengndǝ ha.

“Paɗaa kǝ mbǝrwunsi indiyowun. Nandǝ kǝssowunda kǝ ɗǝndǝ tǝ wunchi kǝ pangngǝn kutǝrcha, kǝ thlǝfowun chinda hur wur nggom ndi Yahudawecha. Nat kǝthlǝm thlǝmna naa fee ɗǝt tǝ wunchi kǝmɗi nggomnaticha tǝ kutǝrcha kǝthlǝm nggǝta. Nowun mbuˈandǝ tandǝ paɗ ǝnɗi sǝndǝwun kǝ ɗar na.

Kǝthlǝm fee thlǝ ˈyech inchi yanda wa tandǝ nech kǝ Kǝristi tǝ fǝ shenuˈtǝ tǝ yahti Farta yi lekta nandǝ ɓata. Nandǝ chǝt ǝna saka incha tǝ ǝna lekǝchǝ kaan kǝthlǝm kǝ lǝm ndǝ nafcha. Maa nan chǝt kǝɗu, naa ndǝ lǝm tachaˈan.

Paɗaa farti ini, kǝrsǝ ɓahtiˈini ha yu, “ ‘Naa wat fartǝ chǝt kǝ wuthla, ndǝr paɗ ngee fǝr ɗaˈkǝt ˈyan wa. wandǝrichǝ hulafǝrta paɗ nandǝ hǝhatat kaha, tǝ paktǝ alkǝchiɗi nech hulafǝrta nandǝ rǝɓtǝ fa.’