Popular Bible Verses from Luk 21

Share

B̈ii ŋɔ́ʼhə shʉtə-ii ndʉʉ tə mì ndʉʉ, kə́ gháaNyii mbɔ b̈ii kie ghʉəʼkə ndə mənyʉ́ʉ nubə-ɔ̄ŋ inchəŋ ndə i bu fyú nɔ, bɔŋleʼ tə́nə bəshʉ Vaa-Woməsʉʉ.”

“B̈ii láa bʉʼka i mə dìenə ndəŋ bii, ndə bii tʉʼ nú búu, jʉ̀ŋtə kə́ bɔŋleʼ kánə mbi. Təmə bii yi kwɔnə fyú ndəŋ chî-ghɔ̄-kə nə ŋkʉʼ.

Kaʼ bii lyʉ̀ʉtə́nə i kɔ́ məchímbi tʉ bii.

bʉʼka mɔ bu kɔ́ ŋgie-tə́nə-bə chu-a ghɔŋbə ndaa təmə bʉə-bàa-ba mə bə̀ŋhə aŋ fɛ, təmə bɔ̂ŋ mə kíahə ŋgiekə-a fɛ.

Yuo ghɔŋbə chisêkə bu mì, təmə ŋgiekə-ɔŋ bɔŋ bu nə mì fɛ.

“Nubəcheʼbə nɔ bu yi bɛ yuo ndəŋ chichi, ndəŋ chisuu leʼnə bəlɔʼɔ. Kəchisê-fɛ̄ŋ, lɔʼ-bətə̂ŋ-tə bu bɛ mu ŋgʉəʼ leʼnə mbyuutəmbyuutə bʉʼka muu ndə i tʉʼ yùɔnə leʼnə lɛɛŋhə-muu-bə ndə bɔ̂ŋ tʉʼ sɛ́ʼnə. Bʉə bu kə́ gwònə gwùtə sê bʉʼka faa-kwu-kə ndə bɔ̂ŋ tʉʼ chyìi nu-ŋkwɔŋŋkwɔŋ-bə ndə i bɛ ndə məgwè mu kəwʉʉnəmbi. Bʉʼka bə bu ŋɛ̀hə nu-shʉ́əshʉ́ə-bə ndə bɔ̂ŋ bɛ yuo. Ndʉʉmɛ, bɔ̂ŋ bu nyíɛ Vaa-Woməsʉʉ, ɔ kə́ shíʼ gwè hə mu kəmbɔʼ nə ghʉəʼkə ghɔŋbə məŋwɔ̀ʼkwɛʼtəŋ.

Bʉə bənchəŋ bu bàa bii bʉʼka bii mɔ̀ʼfyiihə-ii ndəŋ mɔ.

Chisêkə bu ŋʉ̀ʼnə shʉ́əshʉ́ə bəyəŋbəyəŋ, chyʉʉ bu gwù mbi ntɛntɛhə, yɔʼbə ntɛntɛhə, nu-fɛ̀ŋhə-bə ntɛntɛhə leʼnə fɔŋ-bəcheʼ ntɛntɛhə bu fyú yuo.

Ndʉʉ ndə bii yʉ́ chɔ̂tə ghɔŋbə ntɔŋntɔŋ mu mbi, kə bii mə fàa fɛ. Nubə-ɔ̄ŋ bu yaʼ fəŋ fyú sê, bɔŋ təmə mbi kʉʉ lìʼ haʼ ndʉʉghɔfii fɛ.” Ɔ bìʼ ghɔ̀ŋ mbɔ, “Lɔʼ-bətə̂ŋ-tə bu lɔ̀ tə́nə ghɔŋbə bəbɛʼlɔʼ-bətə̂ŋ-tə, bəfɔŋ bətə̂ŋ bu lɔ̀ tə́nə ghɔŋbə bəbɛʼbəfɔŋ-bətə̂ŋ.

“Nubəcheʼbə nɔ bu yi bɛ yuo ndəŋ chichi, ndəŋ chisuu leʼnə bəlɔʼɔ. Kəchisê-fɛ̄ŋ, lɔʼ-bətə̂ŋ-tə bu bɛ mu ŋgʉəʼ leʼnə mbyuutəmbyuutə bʉʼka muu ndə i tʉʼ yùɔnə leʼnə lɛɛŋhə-muu-bə ndə bɔ̂ŋ tʉʼ sɛ́ʼnə. Bʉə bu kə́ gwònə gwùtə sê bʉʼka faa-kwu-kə ndə bɔ̂ŋ tʉʼ chyìi nu-ŋkwɔŋŋkwɔŋ-bə ndə i bɛ ndə məgwè mu kəwʉʉnəmbi. Bʉʼka bə bu ŋɛ̀hə nu-shʉ́əshʉ́ə-bə ndə bɔ̂ŋ bɛ yuo.

Ɔ bìʼ ghɔ̀ŋ mbɔ, “Lɔʼ-bətə̂ŋ-tə bu lɔ̀ tə́nə ghɔŋbə bəbɛʼlɔʼ-bətə̂ŋ-tə, bəfɔŋ bətə̂ŋ bu lɔ̀ tə́nə ghɔŋbə bəbɛʼbəfɔŋ-bətə̂ŋ.

Ɔ bə̀ŋhə mbɔ, “Kə bii mə mɛ̀ʼtə wo fə́ʼhə bii fɛ, bʉʼka bʉə buŋmbi bu yi gwè yie-mɔ, kə́ ghɔ̀ŋ mbɔ, ‘Mɔ nɔ bɛ mbəŋ-ɛŋ!’ leʼ kə́ ghɔ̀ŋ mbɔ, ‘Mbʉ ndʉʉ nɔʼ kʉ̀ʼnə.’ Bɔŋ kə a mə bɛ́ŋ nukə ndə bɔ̂ŋ tʉʼ gìe fɛ.