Popular Bible Verses from Ntendwa 17

Share

Muungu kagosoa ayo yose, ili wantu wadahe kumuondeze etiho kwa kuhahasa hahasa wadahe kumbwiiya, hata ivyo khayuko ahe na yoyose.

Kuawana na mntu yumwe kagosoa wantu wa si zose na kuwatenda wekaise mwe inusi yose, aho kae yee nee mwekukunda ni ini na hahi wantu wa si izo wendawekaise.

Muungu mwekugosoa inusi na vyose vyeumo nee Zumbe wa uwanga kwa Muungu na inusi, yee khekaa he Nyumba za Muungu zekuzengwazo ni wantu.

Kwaviya kabinda kae kuuika msi ambaho endaaiyamwiie inusi kwa kiukwei, kwembokea mntu yumwe mwekusagulwaye ni Muungu, kawaonyesha wantu wose mbui inu kwa kumyuyusa mntu uyo!”

Kwaviya swie ni wana wa Muungu, khaikundigwa kumamakhanya kuwa Uungu wakwe waigana na vizuu ambavyo vigosolwa kwa madini ya zahabu au feza au maiwe. Ivyo vizuu vigosolwa kwa umanyi wa wantu.