Popular Bible Verses from 1 कुरिन्थियो 11

Share

इण तरैह खाणौ खाणै रै पछै उणौ कटोरो लेयनै कयौ, “ओ कटोरो म्हारै लोई में नई वाचा है। जद कदैई पीयो, तो म्हारी याद रै लियै ओहीज किया करजौ।” क्यूंकै जद थै कदैई आ रोटी खाओ, अर इण कटोरे में ऊं पीयो, तो परभु री मौत रौ परचार करौ, जैड़ी तांई वो नीं आवै।

क्यूंकै आ बात म्हारै खनै परभु ऊं पुगी, अर म्हैं थांनै भी पूगा दी। की परभु यीसु नै जिण रात धोखे ऊं पकड़ावायो गियौ उणीज रात रोटी ली, अर परमेसर रौ धन्यवाद करनै उणनै तोड़ी अर कयौ, “आ म्हारी देह है, जिकौ थौरे लियै है। म्हारी याद रै लियै ओहीज किया करजौ।”

इण वास्तै मिनख अपणै आप नै जांच ले पछै इण रोटी में ऊं खावै, अर इण कटोरे में ऊं पीए। क्यूंकै इण खाते-पीते रै वगत परभु रै सरीर नै नीं पिछांणै, वो इण खाणै अर पीणै ऊं अपणै ऊपर डंड लावै है।

इण वास्तै जिकौ कोई गळत रीति ऊं परभु री रोटी खावै, या उणरै कटोरे में ऊं पीए, वो परभु रै सरीर अर लोई रौ दोसी ठैरैला।

थै म्हारै ज्यूं चालौ, ज्यूं म्हैं मसीह रै ज्यूं चाल रियौ हूं।