Popular Bible Verses from 1 Corintios 13

Share

Ga' 'uo da' lesóxodic ỹátaqta ne'queten, qataxa huotaxanaqtáqaic, sa 'te quiỹaxanaqtáqaic, qataxa sa 'te jágaqtenaxaic, 'uootaxa ỹ'oxodénaxaic. Qataxa sa 'te da' ỹ'aloqtet ga' laqáỹa, sa 'te da' n'atela't da' ỹiỹamaxañi. Qataxa sa 'te da' sa ỹoxó'ña, qataxa sa 'te ỹilótaỹi ga' qoỹ'étec.

Ỹima napogáxadeneguet na' chaqáina, p'étaqadaic, pogoxóinaxaic, qataxa pogáxadenaxaic.

Qataxa sa 'te netónec ga' lesamaxataxac ga' laqáỹa. Jaldáta da' ỹataqtelégue nasoxoc 'me netónec.

Chan'eesa naỹi 'uo da' nip'iỹáxac qataxa da' nasoxonataxanaxac qataxa da' nesóxodic, naa'me ỹátaqta qaỹa 'te ga' loiquiaqa't. Qaláxasa da' ỹátaqta ỹágueegue jenaa'me tres, jaldáta da' nesóxodic.

Da' nesóxodic qaỹa 'te loiquiaqa'. Qaláxasa 'uo qomle ga' nolo', qana'chi ỹinoxodéegue da' qoỹ'axa't naua' l'aqtaqa ñi'me Dios, 'uootaxa da' qodosiilo naua' n'aqtaqa 'me sa lequesapiỹi, qataxa da' naatetonaxanaxac.

Da' 'uootaxa jaỹim sosiilo naua' l'aqtaqa na' siỹaxadipi, qataxa naua' l'aqtaqa na' piỹem lé'ecpi Dios lamaxa'spi, qaláxasa da' qaỹa 'te ỹisóxodic, qana'chi sená'am jaga' qataqui 'me ỹisamétapiỹi, 'uootaxa jaga' natovíaxanata 'me 'chi qoỹatovíaxatetapiỹi.

Qataxa da' jaỹim da' 'uootaxa s'axátetac da' l'aqtac ñi' Dios, qataxa ỹima saỹáten jen'me lasoxocpi 'me sa di'ỹoq, qataxa semata'a't ỹima na' naatetonaxanaxacpi, qataxa da' ỹip'iỹáxac ma'le ỹóvi' da' sañoxot da' ñoqochíỹaxat jega' qasoxonaxa, qaláxasa da' qaỹa 'te ỹisóxodic, qana'chi taqadíta qaỹa ga' ñisáaque.

Qataxa da' 'uootaxa jaỹim sanéegue ỹima na' ñ'atetpi, qataxa sivíd'a da' san da' ỹó'oquiaxac da' qoỹic'oi, qaláxasa da' qaỹa 'te ỹisóxodic, qana'chi taqadíta da' qaỹa 'te ga' sachiỹoxotaỹi jeda'me.

Ca'li maliaxa jaỹim nootolec, qana'chi naua' ỹitaxaỹaxaco qataxa naua' ỹic'atenaxanaxaco qataxa naua' ỹiinataxaco quichiilo da' maliaxa jaỹim nootolec. Qaláxasa ca'li ma'le jaỹim ỹ'axaic, qana'chi saxañi da' ñinóidisec.