Popular Bible Verses from 2 Corintios 9

Share

Ñi'me Dios 'me p'asáiỹi da' 'en 'chi táteegue da' 'ami ỹanema na' chaqáina 'me 'adeuóoỹaxaquii, qaidi ỹima da' 'ami 'uo na' mai'chi 'adeuénquii, qataxa qaidi sa 'te 'uo ga' 'avíñiitaaque da' 'autauánaxañiỹot da' 'av'íchii ga' n'onataxanaxac ỹiỹamqáchiiñi.

Chan'eesa ñi' 'oonolec ỹan ga'me laqchiisec ga'me táchiỹi jaga' liquidiaqte, qaláxasa sa 'te da' 'chi nachít'a, 'uootaxa da' 'chi qoỹamqatalégue, qá'a ñi'me Dios ỹátaqta ỹiỹamaxadéeta ga'me mátac da' dachítaqtaxan.

'Antovíñiit'ac qomle da'me senaac: Ga' sa léca ga' ỹaañi, qana'chi nataq'en sa léca ga' laqchiisec; qaláxasa ga' jalcote ga' ỹaañi, qana'chi nataq'en jalcote qomle ga' naqat.

Ñi'me Dios, 'me naqaiñi ñi' ỹan jaga' peta qataxa ga'me nalic, jiñi'me 'ami ỹanema qomle ga' 'avíñiitaaque, da' qaidi 'auanaxañii, qataxa da' naséguem qa'en jaga'me 'adañiisii, qataxa ỹátaqta jalcote qa'en jan' jala, qana'chi da' naqataanaxac, jalcote ga'me náaue jen'me ỹiỹamqáchiiñi n'onataxanaxacpi, qaidi 'ami ỹima huet'asopa na' nesaliaxa, qataxa qaidi sa 'te da' 'auasematai. Ỹim, qana'chi qo'mi 'auamaqaiỹalo jaga' 'ad'ágaxanaqchii, qaidi ga' qadaỹi ỹaatapecot da' netónaxac ñi'me Dios.

Qamaa'chitáxa naỹi, ¡Ñitónaqtapeec ñi' Dios, qá'a ñi'me ỹátaqta let'ádaic da' qo'mi ỹanema qan'achíquiaxac, jeda'me sa 'te sañoxotaq taa'le s'axátaq ga' náaue!