Popular Bible Verses from Juan 15

Share

Jaỹim 'me sená'am jaga' nañiise, qataxa 'ami na'chi'ami ỹipeel. Jega'me na'chi 'eeta't da' jaỹim nesócta'uo qataxa soqotet'aguet, qana'chi jega'me ỹátaqta jalcote da' jaláỹaxac, qá'a 'ami qaỹa 'te 'adisíỹaaque da' 'uootaxa sa jaỹim 'auqochiiuó'o.

Qana'chi 'eeta't qomle da' jaỹim 'auqochiit'aguet, qana'chi 'ená'am da' 'ami soqotet'aita. Qá'a jaga'me lepee sa mai'chi 'uo jan' jala, da' sa ỹátaqta nesócta'uo jaga'me lamo. Qana'chi 'éeta nataq'en da' sa mai'chi 'uo ga' jaláỹaxac da' 'oñíita, da' 'uootaxa sa jaỹim 'auqochiit'aguet.

'Ami da' na'chi 'eeta't da' jaỹim 'auqochíita'uo, qataxa sa 'auapalaxachíit'a jen' ỹapaxaguenataxanaxacpi, da' 'uo ga' 'aviỹáxañiỹaaque, qana'chi 'ami qoỹanema.

'Ami joca'li sa jaỹim 'adiquiỹáquii, jaỹim 'me 'ami ỹiquiỹáqa. Qana'chi 'ami senapegalo, qaidi ỹátaqta sa lec'óxotolec da' jaláỹaxac da' 'ad'óiỹaxaquii, qataxa dójo' jaláỹaxac da' 'ad'óiỹaxaquii, jeda'me na'chi 'eeta't. Qaidi ñi' ỹit'a 'ami ỹanema ỹima jen'me 'aviỹáxañiitaaque da' 'uootaxa 'oviilégue da' ỹinaxat.

Jeda'me nauo'chi 'me ỹátaqta let'ádaic 'eet'oi: Ga' siỹaxaua ỹaalégue da' l'óiỹaxac ga' nauotaxau'pi.

Jiñi'me ỹiquesoxóiỹi jagamachaqaga jana' ỹipeepi da' 'uootaxa qaga 'te jala, qataxa jiñi'me naqat jana' lolelaxai jan'me ỹipeepi 'me 'uo jan' jala, qaidi jalcote jan' 'uo jan' jala.

Jeda'me ỹamaxasóxonaxac 'me 'ami sanema 'eet'oi: Ñi' 'oonolec da' 'oñíita ỹátaqta ỹauotec ga' laqáỹa, 'ená'am da' séet'ec da' ỹátaqta 'ami ỹauotaqa'te.

Ñi' ỹit'a 'uo da' ni'ỹoxodénataguec da' 'uootaxa ỹátaqta jalcote da' jaláỹaxac da' 'oñíita, qana'chi 'ami ỹátaqta 'avídi'ỹa da' 'ami ỹapaxaguenataqa.

Jaỹim 'me sená'am jaga' ỹátaqta 'eesa nañiise uva lichidic, jiñi'me ỹit'a qaa'le 'ená'am jega'me ỹilot'ague jaga' nañiise.

Jega'me sa jaỹim ỹoqoteuó'o, qana'chi jega'me qoỹasaxáiỹi, qana'chi daqaqa, 'ená'am jana' lepee 'me qolapona't, qana'chi qoỹasaxánỹi ga' dóle' qaidi qoỹigóoue.

Séet'ec dójo' da' 'ami senapegalo, qaidi 'ami jaỹim 'antónaxauai, qana'chi 'ami ỹátaqta 'ami saqachiilo da' 'antónaxaquii.

Da' 'aualaqaiỹet na' ỹamaxasóxonaxacpi, qana'chi 'ami 'oquiit'egue da' 'éeta da' 'ami ỹauotaqa'te, 'ená'am qasen da' ỹátaqta salaxaguet jen' lamaxasóxonaxacpi ñi' ỹit'a, qataxa sequet'egue da' 'éeta da' lauochidíỹaxac jaỹim jiñi'me.

Naqaida qomle da' 'ami samaxalóo'te, 'eet'oi: Ñi' 'oonolec qomle da' 'oñíita ỹátaqta lauotaxat ga' laqáỹa.

'Ami da' 'uootaxa 'ami lase' jen' 'aléua, qana'chi jen'me siỹaxadipi 'me huetalégue jen' 'aléua, jen'me 'ami lauotaqa'te, 'ená'am da' 'éeta da' ỹauotec jen'me lalémaxasetpi. Qaláxasa jaỹim 'ami ỹiquiỹáqa, 'ami sachiỹoxotaavlo jen'me huetalégue jen' 'aléua. Tadeeto' jen'me ỹátaqta 'ami niquiỹa'alo, qá'a 'ami sa 'ami lase' jen' 'aléua.