Popular Bible Verses from Lucas 21

Share

Chan'eesa 'ami ỹátaqta 'aniỹamaxachiita't qomle qataxa 'oquiit'ot qomle naua' noloqo'te da' 'antamnaxaqui, qaidi 'auañoxochii da' 'ami ỹaxa'n, qom'chi ỹivíta da' di'ỹoq ỹima jena'me, qataxa qaidi 'auañoxochii da' 'anchaachíi'uo qomle nóvi' jen' siỹaxaua lec'óxot.

Qaa'le ma'chaxa, sa 'te qomle da' sa nedámchiilo naua' 'adiquidiaqtéldii' ỹasouaxat ga' 'anamañii, qataxa da' 'ademiilégue na' latáxa qataxa jen'me laỹi neuénecpi di' nolo', tetoqo' jega'me nolo' sa 'ami ỹipeláxa't

Qana'chi jega'me qaỹa qomle ga' ỹoqo'cha, qana'chiga ga' nauec ga'me nec'alaxa 'me qaỹa 'te loiquiaqa'.

Qá'a na'chaỹim qomle 'ami sanema gaua' 'ad'aqtaqádii' qataxa ga' 'adaỹátenaxanaxaquii, da' qaidi sa 'te da' 'uo ga' 'ami dasoỹa'agueta da' 'ami necotaỹi'to.

Na' piỹem qataxa jen' 'aléua, qaa'le 'uo qomle ga' loiquiaqa', qaláxasa da' ỹ'aqtac qaỹa 'te ga' loiquiaqa'.

Qana'chi 'uo qomle na' l'anaxatpi jañi' c'atena qataxa so' 'auóxoic qataxa jan' huaqchiñipi. Qataxa jen'me ỹodapecachi siỹaxadipi 'me huetalégue jen' 'aléua ỹátaqta sa ỹaỹáten ga' 'éet'ec, qataxa ỹátaqta dó'i ỹasouaxat da' lichic da' lesamaxa jen' lepáxa jaso' huaxai. Qana'chi na' siỹaxadipi ỹátaqta copetétac qomle, ỹasouaxat da' tátapiỹi lauel jega'me naloxon jen'me 'aléua, cha ỹivíde'ta qomle jana' huaqchiñipi 'me huet'ot na' piỹem ỹátaqta dachólaxan. Huá'ña qomle, qana'chi qoỹilá'a jen' siỹaxaua lec'óxot naquétaaue ga' ló'oc ỹátaqta qaỹa ga' 'ená'am da' l'añaxac qataxa da' li'ỹoxodic.

Qataxa ỹima qomle na' siỹaxadipi 'me huetalquéna 'ami niquiỹa'alo, ỹasouaxat jaỹim.

Qataxa 'uo qomle ga' n'iquiaxa let'ádaic hua'aguelo naua' lail jen' 'aléua qataxa ga' noqouáxa. Qataxa huo'oi qomle naua' napite'nádi naua' 'ale'u. Qataxa huo'oi qomle naua' let'ádaiqa n'anaqa na' piỹem qataxa 'uo ga' qoỹilá'a qaỹa 'te 'ená'am da' lichic.

Qá'a qomle 'uo ga' 'amachíitapeelégue da' nalaatétapega't qataxa jega'me ỹ'odétapeegue ga'me net'a, qaláxasa 'ená'te da' 'au'óiỹi. Qá'a 'uáiñi qomle da' janac ỹima jen'me, qaláxasa maliaxa qomle da' sa ỹivíta ga' loiquiaqa'éna. Qana'chi so' Jesús quet'ot da' l'aqtaxanaxac, 'eet'oi: —Ga' siỹaxadipi delói'ỹi' qomle ga' laỹi siỹaxadipi, qataxa ga' net'a mai'chi delóỹi'ỹi' ga' net'a laqáỹa.

Qana'chi 'uo qomle na' l'anaxatpi jañi' c'atena qataxa so' 'auóxoic qataxa jan' huaqchiñipi. Qataxa jen'me ỹodapecachi siỹaxadipi 'me huetalégue jen' 'aléua ỹátaqta sa ỹaỹáten ga' 'éet'ec, qataxa ỹátaqta dó'i ỹasouaxat da' lichic da' lesamaxa jen' lepáxa jaso' huaxai. Qana'chi na' siỹaxadipi ỹátaqta copetétac qomle, ỹasouaxat da' tátapiỹi lauel jega'me naloxon jen'me 'aléua, cha ỹivíde'ta qomle jana' huaqchiñipi 'me huet'ot na' piỹem ỹátaqta dachólaxan.

Qana'chi so' Jesús quet'ot da' l'aqtaxanaxac, 'eet'oi: —Ga' siỹaxadipi delói'ỹi' qomle ga' laỹi siỹaxadipi, qataxa ga' net'a mai'chi delóỹi'ỹi' ga' net'a laqáỹa.

Qana'chi so' Jesús 'enaaco': —Ma'chaxa qomle, 'avichiỹaac. Qataxa 'ena't qomle da' 'uo ga' 'chi 'ami ỹoqovi'n. Qá'a jalcote qomle na' janac da' ỹinoxótaaue da' ỹinaxat, qana'chi 'eet'oi: “Jaỹim na'chaỹim net'a nec'alaxaqui;” 'uootaxa 'eet'oi: “Naỹi ma'le ỹivíta di' naloqtenec.” Qaláxasa sa 'te qomle da' 'oquiỹiỹi.