Popular Bible Verses from Marcos 10

Share

Qá'a jen' siỹaxaua lec'óxot, jen'me sa janac da' qaidi neloxot. Na'chidáta da' sétaaque nelatac qataxa da' ỹan da' l'óiỹaxac da' 'ená'am qa'en jaga' laso'vi da' qaidi jalcote na' qonec'alaxatéegue.

Qana'chi so' Jesús ỹilápegoovlo saa'me, qana'chi 'enaaco': —Jen'me siỹaxadipi sa ỹaqanatet dójo', qaláxasa ñi' Dios ỹaqanatet, qá'a ñi'me qaỹa 'te ga' ỹaqalánaac.

Qana'chi so' Jesús 'enapego': —'Oc qomle, sóxote 'am n'óota, qá'a 'au'amaqtenataxan. Huá'a, qana'chi so'me qanam ma'le nelóiỹi, qana'chi 'equegue so' Jesús.

Chan'eesa ga' siỹaxaua sa ỹisoiỹilo gaa'me ỹ'onáxana't ñi' Dios.

Qana'chi so' Jesús ỹátaqta 'uo da' lauo'chi joca'li ỹilot'ot so'me. Qana'chi 'enapego', 'enaac: —Ỹa 'oonolec da' maliaxa sa 'aué'et, 'eet'oi: 'oc, 'aumen qomle ỹima na' 'am huet'ot qataxa 'auanóoue na' choxodaqpi, qaidi 'uo qomle ga' 'adesaliaxa da' piỹem. Qomle 'adem, qana'chi jaỹim 'oquegue, na'chidi da' jaỹim 'auleetalégue.

Qana'chi so' Jesús ỹinatétac so'me, 'enaaco': —¿Jái'chi ga' sétaaque da' 'am séet'ec? Qana'chi so'me qanam 'enaaco': —'Am paxaguenataxanaxaic, sétaaque da'me ñilóiỹi 'auen.

Qaláxasa da' 'oñíita, sa naq'áita da'me dójo'. Na'chidáta da' ga' sétaaque da' p'asáiỹi da' 'oñíita, qana'chi ỹacono' da' lelatac na' laỹipi.

Ỹátaqta 'eesa da'me 'ami senapegalo, da' ga'me sa ỹadénaxat ga' nootolec da' ỹaconeguet da' l'onataxanaxac ñi' Dios da' ỹimata'a'téna, qana'chi ga'me sa ỹaqanatet da' ỹinoxoneuo.

Qaláxasa jalcote qomle jen'me naỹi 'uáuta jen'me p'áteegue qoỹin qomle, qaláxasa nataq'en jalcote qomle jen'me naỹi p'áteegue, jen'me 'uáuta qoỹin qomle.

Qaláxasa da'me chiỹoqóchii'ña jocalia'chi ỹímta ñi' Dios ỹa'uo jen' chaqáina, qana'chi “ỹauo'oi saua' siỹaxa'u, so' lé'em qataxa jaso' ỹauo.” “Chan'eesa ga' siỹaxaua, cá'ai ga' let'a qataxa jaga' lat'e, qaidi huaxaiỹet jaga' loua. Huá'a, qana'chi gaa'me 'ená'am da'me 'oonolec da' lasoxo'j.” Qana'chi gaa'me sa 'ená'am da' dos, nedot'a't da' 'ená'am da' 'oonolec.