Popular Bible Verses from Romanos 14

Share

Qá'a da' l'onataxanaxac ñi'me Dios da' ỹilo'ogue ỹimata'a'téna, jeda'me sa 'te náỹi da' ỹ'oqóchiỹi niqui'ỹáxac qataxa da' ỹómaxac, na'chidáta da' ỹoqovíta n'óiỹaxac, qataxa da' n'emáxac, qataxa da' namaic 'me chiỹoqo'ot so' Espíritu Santo. Ga' siỹaxaua da' 'eet'oi dójo' da' d'onataxanot so' Cristo, jega'me ỹátaqta ỹiỹamaxadéeta ñi'me Dios qataxa ỹima jen' siỹaxadipi.

Qá'a da' 'uootaxa ñic'alaqátaiỹi, qaláxasa da' qad'óiỹaxac náỹi da' liỹ'oxodic so' qadesaliaxanec. Qataxa da' 'uootaxa qadeleu, qaláxasa da' qadeleuaxa náỹi da' liỹ'oxodic so' qadesaliaxanec. Chan'eesa da' 'uootaxa maliaxa ñic'alaqátaiỹi, 'uootaxa qadeleu, qaláxasa na'chi 'ená'am qo'mi lalémaxase'te jeso'me.

Chan'eesa maliaxa qolqat'ot qomle da' ñimitaqáaque jega'me ỹí'et da' nelagaxadic, qaidi ñi' 'oonolec da' qo'mi lecochiỹa ga' laqáỹa da' d'añi qa'en da' lip'iỹáxac.

Chan'eesa 'ena't qomle da' ga' 'oonolec da' qo'mi da' quetapeelégue ga' l'amaqténataxanaxaua. Na'chidáta da' 'ami 'anpogoxóiñiỹapegue' da' sega'me sa huáñi 'aviñii ga' 'ad'amaqténataxanaxauai, 'uootaxa da' 'ená'te 'uo 'aviñii ga' lasouaxaset.

Qá'a naua' nidii's l'aqtaqa ñi' qadasoxola' 'eet'oi: Ỹátaqta 'eesa da' jaỹim ñic'alétaiỹi, chan'eesa ỹátaqta 'eesa da' ỹima qomle na' siỹaxadipi jaỹim ỹisocoto naua' liliictel, qataxa ỹima qomle jen'me detaxaỹá'a da' ỹátaqta jaỹim let'a. Chan'eesa ñi' 'oonolec qomle da' qo'mi mai'chi nichoxotela't qomle dasoỹot ñi'me Dios.

Ga' siỹaxaua da' 'uootaxa qaỹa 'te l'añaxac da' lip'iỹáxac, qaláxasa jega'me 'auacoñiiỹet, qaláxasa 'ená'te 'ancotáitapiỹi jega'me sa qaỹátaq.

Qá'a ¿jái'chi 'am da' 'uootaxa 'oquetapeelégue ga'me lamaxasec ga' siỹaxaua laqáỹa? Qá'a da' 'uootaxa ỹiỹamqáchiiñi ga' ỹ'étetac, 'uootaxa sa ỹiỹamaxañi, qaláxasa mai'chi ỹoiquíitac jega'me ladípa. Qaláxasa jega'me ỹátaqta ỹiỹamqáchiiñi qomle, qá'a so' qadesaliaxanec ỹátaqta 'uañaxaic da' ỹiỹamqáchiiñi qa'en jega'me.