Popular Bible Verses from John 10

Share

သူခိုးတေဟ ခိုးယူ၊ ဆတ်ဖ္လတ်၊ ဖျက်ဆီးဖော့အတွက်ပဲ လာတတ်ကြဟယ်။ ငါဟတော့ ငါ့ရဲ့သိုးတေ အဆက်ကော် ရရှိစေမောက် ပြီးပ္လေ့စုံတဲ့ဖဝကော် ရရှိစေဖော့ လာဟာဖြစ်ဟယ်။

ငါဟ သိုးထိန်းကောင်းဖြစ်ဟယ်။ သိုးထိန်းကောင်းဆိုဟာဟ ကိုယ့်ရဲ့သိုးတေကော် ကယ်တင်စေနိုင်ဖော့ ဆူ့ရဲ့အဆက်ကော် ပေးအပ်ထားပြီးဖြစ်ဟယ်။

ငါ့ရဲ့သိုးတေဟ ငါ့အဆံကော် နားထောင်ကြဟယ်။ ငါဟ ဆူ့တော့ကော် ဆိမောက် ဆူ့တော့ဟလဲ ငါ့နောက်ကော် လိုက်လာကြဟယ်။

ငါဟ ဆူ့တော့ကော် နိစ္စထာဝရအဆက်ကော် ပေးမှာဖြစ်ဟယ်။ ဆူ့တော့ဟ ဖယ်အခါမှ ပျက်စီးခြင်းကော် ရောက်မှာမဟုတ်တဲ့အပြင် မဆူ့ဟမှလဲ ဆူ့တော့ကော် ငါ့နားဟနေ ခွဲထုတ်နိုင်မှာမဟုတ်ဘူး။

ငါဟ တံခါးပေါက်ဖြစ်ဟယ်။ မဆူ့မဆို ငါ့နားမှတဆင့်ဝင်ခါ ကယ်တင်ခြင်းခံရမဲင်။ ဟဲင်းလူဟ တံခါးဟနေဝင်ထွက်မောက် ကျက်စားရာနေရာကော် တွေ့ရလိမ့်မဲင်။

ငါဟ သိုးထိန်းကောင်းဖြစ်ဟယ်။ ငါရဲ့သိုးတေကော် ငါဆိသလဲ ငါရဲ့သိုးတေဟလဲ ငါ့ကော် ဆိကြဟယ်။

ဆူ့တော့ကော် ငါ့နားပေးအပ်တော်မူတဲ့ ငါရဲ့အဖဘုရားရှင်ဟ တခြားလူအပေါင်းတော့ထက် ပိုမောက်ကြီးမြတ်ဟာဖြစ်လောက် မဆူ့ဟမှ ငါရဲ့အဖဘုရားရှင်နားဟနေ ဆူ့တော့ကော် ခွဲထုတ်နိုင်မှာမဟုတ်ဘူး။ ငါ့ရဲ့ခမည်းတော်နငါဟ တစ်စုတစ်စည်းတည်းဖြစ်ဟယ်" လောက် ပ္လန်လည်မိန့်တော်မူလေဟယ်။

အဲလဲပဲ ငါ့ရဲ့ဖခမည်းတော်ဟ ငါ့ကော် ဆိတော်မူသလဲ ငါဟလဲ ငါရဲ့ဖခမည်းတော်ကော် ဆိဟယ်။ ပြီးခါ ငါဟ ငါ့သိုးတေအတွက် ငါ့ရဲ့အဆက်ကော် စွန့်လွှတ်ဖော့ အလိုရှိဟယ်။

မဆူ့မှ ငါ့အဆက်ကော် ငါ့နားဟနေ နှုတ်ယူမဲင်မဟုတ်ဘူး။ ငါ့အဆက်ကော် ငါ့ဆန္ဒအရ ငါစွန့် လွှတ်မှာဖြစ်ဟယ်။ ငါ့မှာ ငါ့ရဲ့အဆက်ကော် စွန့်လွှတ်ပိုင်ခွင့်ရှိသလဲ ဟဲင်းအဆက်ကော် ပ္လန်လည်ရယူပိုင်ခွင့်လဲရှိဟယ်။ ငါဟ ဟဲင်းအမိန့်ကော် ငါ့ရဲ့ဖခမည်းတော်နားဟနေ ရရှိဟာဖြစ်ဟယ်" လောက် မိန့်တော်မူလေဟယ်။

နောက်တခါ ကိုယ်တော်ယေရှုဟ "ငါအမှန်တိုင်းပြောရခါ ငါဟ သိုးတေအတွက် တံခါးဖြစ်ဟယ်။

ငှားဟားတဲ့လူဟ သိုးထိန်းကောင်းမဟုတ်ပဲသလဲ သိုးတေကော်လဲ မပိုင်ဆိုင်ဘူး။ ဝံပုလွေတစ်ကောင်လာနေဟာကော် မြင်တဲ့အခါ သိုးတေကော် ထားခမောက် ထွက်ပ္လေးဟားမှာပဲ ဖြစ်ဟယ်။ ဟဲင်းကြောင့် ဝံပုလွေတေဟ သိုးတေကော် ဖမ်းယူဆွဲစားမောက် တစ်ကွဲတစ်ပြား ဖြစ်စေမဲင်ဖြစ်ဟယ်။

ကိုယ်တော်ယေရှုဟ "သင်တော့ကော် ငါအမှန်အတိုင်းပြောရခါ သိုးခြံထဲကော် တံခါးပေါက်ဟနေ မဝင်ပဲ တခြားနည်းန ကျော်ဝင်ဆမားဟ သူခိုးဓားမြပဲဖြစ်ဟယ်။