Popular Bible Verses from John 6

Share

ကိုယ်တော်ဟ "ငါဟ အဆက်မုန့်ဖြစ်ဟယ်။ ငါ့နားကော် လာတဲ့လူတိုင်းဟ ဆာလောင်တော့မဲင်မဟုတ်ဘူး။ ငါ့ကော် ယုံကြည်ဆမားတေဟလဲ ရေငတ်ဟာကော် ခံစားရတော့မှာမဟုတ်ဘူး။

ဉာဏ်အလင်းတော်ဟ အဆက်ကော်ပေးထားဟာဖြစ်ဟယ်။ လူတေရဲ့ခွန်အားဟ ဖယ်အရာကော်မှ မလုပ်နိုင်ဘူး။ ငါပြောတဲ့စကားတေဟ ဉာဏ်အလင်းတော်ဟနေ ဆင်းလာဟာဖြစ်မောက် သင်တော့ကော် အဆက်ပေးထားဟာဖြစ်ဟယ်။

ပျက်စီးတတ်တဲ့ အစာအတွက် မကြိုးစားကြနဲ့။ အဖဘုရားရှင်ဟ အခွင့်အာဏာပေးထားခံရတဲ့လူ့ဆားတော်ဟ ပေးမဲ့ နိစ္စထာဝရအဆက်ထိ တည်မြဲနေမဲ့အစာအတွက်ပဲ ကြိုးစားကြပါ" လောက် မိန့်တော်မူဟယ်။

စာလောက်ဟားဆိုခါ အဖဘုရားရှင်ရဲ့အလိုတော်မှာ ဆားတော်ကော်မြင်မောက် ဆူ့ကော် ယုံကြည်ဆမားတိုင်း နိစ္စထာဝရအဆက်ရရှိဖော့ဖြစ်မောက် ငါဟလဲ ဟဲင်းလူတေကော် နောက်ဆုံးသောနေ့မှာ ပ္လန်လည်ရှင်သန်စေမဲင်ဖြစ်ဟယ်" လောက် မိန့်တော်မူလေဟယ်။

ကိုယ်တော်ယေရှုဟ ဆူ့တော့ကော် "ဘုရားရှင်ရဲ့အမှုတော်ဟ ဘုရားရှင်စေလွှတ်လိုက်တဲ့လူကော် ယုံကြည်ခြင်းပဲဖြစ်ဟယ်" လောက် မိန့်တော်မူလေဟယ်။

အဖဘုရားရှင်ဟ ငါ့ကော် ပေးအပ်ထားတော်မူတဲ့ လူအပေါင်းတော့ဟ ငါ့နားကော် လာကြလိမ့်မဲင်ဖြစ်မောက် ငါဟဖယ်အခါမှ ဟဲင်းလူတေကော် အဝေးကော် စေလွှတ်မဲင်မဟုတ်ဘူး။

ရှိမုန်ပေတရုဟ "အရှင်၊ ကျွန်ုပ်တော့ဟ မဆူ့နားကော် ဆွားရမဟား။ နိစ္စထာဝရအဆက်နဆိုင်တဲ့ စကားတေဟ ကိုယ်တော်နားမှာပဲ ရှိပါဟယ်။

ငါဟ ရွှေမြို့တော်ဟနေ ဆင်းလာတဲ့ အဆက်မုန့်ဖြစ်မောက် အဲမုန့်ကော် စားတဲ့လူမဆူ့ညင်းညင်း ထာဝရအဆက်ရှင်လိမ့်မဲင်ဖြစ်ဟယ်။ ငါပေးတဲ့မုန့်ဟ လောကီလူဆားတေရဲ့အဆက်အတွက် စွန့်ကြဲတဲ့ငါ့ရဲ့အဆားပဲဖြစ်ဟယ်" လောက် မိန့်တော်မူဟယ်။

ဘုရားရှင်အလိုတော်ရှိဆမားတေဟပဲ ငါ့နားကော် လာနိုင်ကြမှာဖြစ်ဟယ်။ ငါဟ အဲလူတေကော် နောက်ဆုံးသောနေ့မှာ ပ္လန်လည်ရှင်သန်စေမှာ ဖြစ်ဟယ်။

ဘုရားရှင်နားဟ သင်တော့ကော် ပေးဟားတဲ့ ပေါင်မုန့်ဟ ရွှေမြို့တော်ဟနေ လာမောက် ကမ္ဘာလောကဆားတေကော် အဆက်တာကော်ပေးမဲင်" လောက် ကိုယ်တော်ဟ မိန့်တော်မူခါ

ငါဟပဲ အဆက်မုန့်ဖြစ်ဟယ်။ ။

ပြီးခါ ကိုယ်တော်ယေရှုဟ မုန့်တေကော် ယူမောက် ဘုရားရှင်ရဲ့ဂုဏ်ကျေးဇူးကော် ချီးမွမ်းပြီးခါ ထိုင်နေကြတဲ့လူတေကော် ခွဲဝေပေးတော်မူဟယ်။ ငါးတေကော်လဲ ဟဲင်းနည်းတူလုပ်မောက် ဆူ့တော့အလိုရှိဆလောက် ခွဲဝေပေးတော်မူဟယ်။ ဟဲင်းလူတေဟ ဝဝလင်လင်စားဆောက်ကြပြီးခါ ကိုယ်တော်ဟ "အလေအလွင့်မရှိစေဖော့ က္လန်နေတဲ့ အပိုင်းအစတေကော် ကောက်ဆိမ်းကြပါ" လောက် တပဲ့တော်တေကော် မိန့်တော်မူလေဟယ်။

ဆူ့တော့ဟ ဆုံးလေးမိုင်လောက် လှေကော်လှော်ပြီးခါ ကိုယ်တော်ယေရှုဟ ရေအိုင်ပေါ်မှာ လမ်းလျှောက်မောက် ကြွလာပြီးခါ လှေနားကော် ချဉ်းကပ်လာနေဟာကော် မြင်ကြခါ ဆူ့တော့ဟ အကြီးကျယ်ကြောက်လန့် တုန်လှုပ်ခဲ့ကြလေဟယ်။ ဟဲင်းပေမဲ့ ကိုယ်တော်ဟ ဆူ့တော့ကော် "မကြောက်ကြနဲ့။ ငါပဲ ဖြစ်ဟယ်" ဆိုမောက်မိန့်တော်မူဟယ်။