Popular Bible Verses from Matthew 16

Share

ပြီးခါ ကိုယ်တော်ဟ ဆူ့ရဲ့တပဲ့တော်တေကော် "ငါ့နောက်ကော် လိုက်ချင်တဲ့လူဟ ကိုယ့်အတ္တကော် စွန့်မောက် ကိုယ့်ရဲ့လက်ဝါးကပ်တိုင်ကော် ကိုယ်တိုင်ထမ်းမောက် ငါ့နောက်ကော် လိုက်ရမှာဖြစ်ဟယ်။

ပေတရု၊ သင့်ကော်ငါပြောမဲင်။ သင်ဟ ပေတရုဖြစ်ဟယ်။ ဟဲင်းနံမေဟ ကျောက်တုံးလောက် အဓိပ္ပာယ်ရဟယ်။ ဟဲင်းကြောင့် ဒီကျောက်တုံးပေါ်မှာ ငါ့ရဲ့အသင်းတော်ကော် ဆောက်မဲင်။ ဆေခြင်းတရားဟတောင် ဟဲင်းအသင်းတော်အပေါ်မှာ စိုးမိုးနိုင်မှာမဟုတ်ဘူး။

ငါဟ ရွှေမြို့တော်ဆာဆနာတော်ရဲ့ ဆော့ကော် သင့်ကော်ပေးမဲင်။ မ္လေပေါ်မှာ သင်တားမြစ်တဲ့အရာကော် ရွှေမြို့တော်မှာ ဘုရားရှင်တားမြစ်ဟာခံရမဲင်။ မ္လေပေါ်မှာ သင်ခွင့်ပြုတဲ့အရာတေကော် ရွှေမြို့တော်မှာ ဘုရားရှင်ဟ ခွင့်ပြုဟာခံရမဲင်" လောက် မိန့်တော်မူလေဟယ်။

မဆူ့မဆို ကိုယ့်အဆက်ကော် ကယ်တင်ချင်ခါ ဆုံးရှုံးရမှာဖြစ်မောက် ငါ့အတွက်န ကိုယ့်အဆက်ကော် အဆုံးရှုံးခံနိုင်ဆမားဟ ကယ်တင်ခြင်းခံရမှာ ဖြစ်ဟယ်။

လူတစ်ယောက်ဟ စင်္ကြာဠာတစ်ခုလုံးကော် ရလယ်ဝ ဆူ့တော့ရဲ့အဆက်ကော် ဆုံးရှုံးရခါ ဟဲင်းလူအတွက် ဖယ်လဲအကျိုးရှိမဟား။ ဆူ့တော့အဆက်ထက် တန်ဖိုးကြီးတဲ့အရာရှိလား။

ဟဲင်းခါ ကိုယ်တော်ဟ တပဲ့တော်တေကော် "သင်တော့ဟရော ငါ့ကော် မဆူ့လောက် ပြောမဟား" လောက်မေးခါ ရှိမုန်ပေတရုa ဟလဲ "ကိုယ်တော်ဟ သက်ရှိထင်ရှားရှိတော်မူတဲ့ ဘုရားရှင်ရဲ့ဆားတော်ကယ်တင်ရှင်ခရစ်တော် ဖြစ်ပေဟယ်" လောက် ပ္လန်လည်လျှောက်တင်လေဟယ်။

ကိုယ်တော်ယေရှုဟလဲ "ယောနရဲ့ဆား ရှိမုန်၊ သင်ဟ မင်္ဂလာရှိပေဟယ်၊ မဆူ့မှ ဟဲင်းအရာကော် သင့်ကော် မပြသခဲ့လယ်ဝ ရွှေမြို့တော်မှာရှိတဲ့ အဖဘုရားရှင်ဟတော့ သင့်ကော် ပြသတော်မူခဲ့ဝေါက်။