Popular Bible Verses from Matthew 18

Share

စာလောက်ဟားဆိုခါ ငါရဲ့နံမေကော် အမှီပြုမောက် လူနှေယောက် မဟုတ်ပဲလောက် ဆုံးယောက်စုဝေးကြတဲ့အခါမှာ ငါဟ ဆူ့တော့နအတူရှိတော်မူမဲင်။

ပြီးခါ သင်တော့ကော် ငါအမှန်ပြောမဲင်၊ ကမ္ဘာမ္လေကြီးပေါ်မှာ သင်တော့ထဲဟ နှေယောက်ဟ ဆဖောတူညီမောက် ဆုတောင်းကြခါ ဆူ့တော့တောင်းဆမျှကော် ရွှေမြို့တော်မှာ ရှိတော်မူတဲ့ ငါရဲ့အဖဘုရားရှင်ဟ ဆူ့တော့အတွက် ဆောင်ရွက်ပေးမှာပဲ ဖြစ်ဟယ်။

ဟဲင်းခါ ကိုယ်တော်ဟ လူဆငယ်တစ်ယောက်ကော် ခေါ်မောက် ဆူ့တော့အလယ်မှာ ရပ်စေပြီးခါ သင်တော့ကော် ငါအမှန်ပြောမဲင်၊ သင်တော့ဟ အဲလူဆငယ်သလဲ မဖြစ်ဝူးဆိုခါ ရွှေမြို့တော်ရဲ့ဆာဆနာတော်ကော် ဖယ်အခါမှ ဝင်ရောက်နိုင်မှာ မဟုတ်ပေ။

ဟဲင်းကြောင့် အဲလူဆငယ်သလဲ ကိုယ့်ကိုယ်ကို နှိမ့်ခ္လဆမားဟ ရွှေမြို့တော်ရဲ့ဆာဆနာတော်မှာ အကြီးမြတ်ဆုံးဖြစ်လိမ့်မဲင်။

ါ့နံမေကြောင့် ဟဲင်းလူဆငယ်ကော် လက်ခံတဲ့လူဟ ငါ့ကော် ယုံကြည်လက်ခံတဲ့လူဖြစ်ဟယ်။

သင်တော့ကော် ငါအမှန်အတိုင်းပြောရခါ သင်တော့ ကမ္ဘာမ္လေကြီးပေါ်မှာ ချည်နှောင်ထားတဲ့အရာတေဟ ရွှေမြို့တော်မှာ ချည်နှောင်ခံရမှာဖြစ်ဟယ်။ ကမ္ဘာမ္လေကြီးပေါ်မှာ ဖ္လေလွှတ်ခဲ့ဆမျှတေဟ ရွှေမြို့တော်မှာ ဖ္လေလွှတ်ဟာကော် ခံကြရမှာဖြစ်ဟယ်။

သင်တော့တစ်ယောက်စီဟ ကိုယ့်ညီအကိုကော် စိတ်နှလုံးထဲဟနေ ခွင့်မလွှတ်ဝူးဆိုခါ ရွှေမြို့တော်မှာရှိတဲ့ အဖဘုရားရှင်ဟလဲ သင်တော့ကော် ဟဲင်းနည်းအတိုင်းပဲ လုပ်ဆောင်တော်မူလိမ့်မဲင်" လောက် မိန့်တော်မူဟယ်။

"ဟဲင်းပေမဲ့ ငါ့ကော် ယုံကြည်တဲ့လက်ခံတဲ့ ဟဲင်းလူဆငယ်တေထဲမှ တစ်ယောက်ယောက်ကော် အပြစ်လုပ်မိတဲ့လူဟ အကြီးကျယ်ကူးတဲ့ ကျောက်တုံးကော် လည်ပင်းမှာဆွဲမောက် ပင်လယ်ထဲကော် ပစ်ခ္လခံရဟာဟ ပိုမောက်ကောင်းအုံးမဲင်။

လူတစ်ယောက်မှာ သိုးတစ်ရာရှိမောက် ဟဲင်းသိုးတေထဲဟ တစ်ကောင် ပျောက်ဟားလောက်ရှိခါ ဟဲင်းလူဖယ်လဲလုပ်မဲင်လောက် သင်တော့ထင်ဟား။ ဆူဟ သိုးကိုးဆယ့်ကိုးကောင်ကော် တောင်ကုန်းပေါ်မှာ ထားခမောက် ပျောက်ဆုံးဟားတဲ့ သိုးတစ်ကောင်ကော် ဆွားရောက် ရှာဖွေမှာပဲဖြစ်ဟယ်။