Popular Bible Verses from Mark 11

Share

ဟဲင်းကြောင့်သင်တော့ကော် မိန့်ဆိုလိုဟာဟ သင်တော့တောင်းလျှောက်ဆမျှသော အရာဟူဆမျှတေကော် ဧကန်မုချရလိမ့်မဲင်လောက် အကြွင်းမဲ့ယုံကြည်ခါ အမှန်ပင်သင်တော့ ရရှိကြရမဲင်။

“သင်တော့ကော်အမှန်ပြောရမယ်ဆိုခါ မဆူ့မဆို ဆူ့ရဲ့နှလုံးဆားမှာ သံသယဝင်ခြင်း အလျင်းမရှိဘဲ ဆူတောင်းဆိုတဲ့အရာဟ ဧကန်မုချဖြစ်ရမဲင်လောက် ယုံကြည်ပြီး ဤတောင်ကော် 'ဤနေရာမှ ကြွမောက် ပင်လယ်ထဲကော် ရွေ့လော့' လောက်ပြောခါ ဘုရားရှင်ဟ ဟဲင်းသလဲ ပြုလုပ်ပေးတော်မူလိမ့်မဲင်။

သင်တော့ဘုရားရှင်ကော် ဆုတောင်းတဲ့အချိန်တိုင်း သူတပါးတေဟ သင်တော့အပေါ် ကျူးလွန်တဲ့ အပြစ်တေကော် ခွင့်လွတ်ကြလော့။ဟဲင်းမှသာ ရွှေမြို့တော်မှာ ရှိတော်မူတဲ့ အဖခမည်းတော်ဟလဲ သင်တော့ရဲ့အပြစ်ဒုစရိုက်တေကော် ခွင့်လွတ်ပေးတော်မူလိမ့်မဲင်။

ကိုယ်တော်ဟ တပဲ့တော်တေကော် “ဘုရားရှင်ကော် ယုံကြည်ခြင်းရှိကြလော့။”

ကိုယ်တော်ဟ လူထုပရိတ်ဆတ်တေကော် "ငါ့ရဲ့အိမ်တော်ဟ လူမျိုးတကာတော့ရဲ့ ဆုတောင်းဝတ်ပြုရာ အိမ်တော် လောက်ခေါ်ဝေါ်ကြမဲင်' လောက် ရေးဆားထားဟယ် မဟုတ်လော။ဟဲင်းပေမဲ့ ယခုမှာ သင်တော့ဟ ၎င်းကော် သူခိုးဓားပြတေ ပုန်းကွယ်ရာနေရာ အဖြစ် ပြုလုပ်ထားကြဟယ်" လောက် ဆုံးမသွန်သင်လေဟယ်။

ကိုယ်တော်ရဲ့ အရှေ့မှဆွားဆမားကော်ရော၊ အနောက်မှလိုက်ဆမားတေကော်ရော အဆံအက္လယ်လုံးန "ဘုရားရှင်ရဲ့ဂုဏ်ကျေးဇူးကော်ချီးမွမ်းပါဟယ်။ဘုရားရှင်ရဲ့နာမတော်န ကြွလာတော်မူတဲ့ဆူဟ မင်္ဂလာရှိစေသတည်း။

ပေါ်ထွန်းလာတော့မဲ့ ကျွန်ုပ်တော့ရဲ့အဖ ၊ ဒါဝိဒ်ရဲ့နိုင်ငံတော်ဟ ဘုရားရှင်ရဲ့နာမတော်န မင်္ဂလာရှိစေသတည်း။ကိုယ်တော်ရဲ့နာမတော်ကော် အမြင့်ဆုံးသောကောင်းကင်အရပ်မာပင် ချီးမွမ်းကြစေသတည်း" လောက် ဟစ်အော်ကြလေဟယ်။