Popular Bible Verses from Mark 5

Share

ကိုယ်တော်ဟ ဆူမကော် “ဆမီး ၊ခု သင့်ရဲ့ရောဂါပျောက်ကင်းဟားဟာဟ သင့်ရဲ့ ယုံကြည်မှုကြောင့်ဘဲဖြစ်ဟယ်။သင်ရဲ့ဒုက္ခမှ လွတ်မြောက်ပြီဖြစ်ညောင်း ငြိမ်းချမ်းစွာ ဆွားပါတော့” လောက် မိန့်တော်မူလိုက်လေဟယ်။

ဟဲင်းလူအုပ် ထဲမှာ ဆယ့်နှစ်နှစ်ကြာမျှ ဆွေးဆွန်ရောဂါဖြစ်နေတဲ့အမျိုးဆမီးတစ်ယောက် ပါဝင်လေဟယ်။ ဆူမဟ သမားတော်များစွာတော့န ဟဲင်းရောဂါကော်ကုသခဲ့လယ်ဝ မဆူ့မှ ဆူမရောဂါကော်ပျောက်ကင်းအောင် ကုသနိုင်ခြင်းမရှိချေ။ ဆူမရဲ့စည်းစိမ်ကုန်သည်ထိ ဆေးကုသစရိတ်တေပေးခဲ့ရလယ်ဝ ဆူမရဲ့ရောဂါ မပျောက်ကင်းသည့်အပြင် ပိုမိုဆိုးရွားလာလေဟယ်။

ဟဲင်းသလဲ ကိုယ်တော်ရဲ့ဝတ်ရုံကော်တို့ထိလိုက်ဟာန တခါတည်းဆူမ‌ဆွေးဆွန်နေသည့်ရောဂါဟ ဆွေးတိတ်ဟားမောက် ဆူမရဲ့ရောဂါပျောက်ကင်းဟားဟာကော် ဆိလိုက်လေဟယ်။

ပြီးခါကိုယ်တော်ဟ မိန်းကလေး လက်ကော်ကိုင်မောက် "မိန်းခလေး သင့်အားငါဆိုမဲင်၊ထလော့"လောက် မိန့်ဆိုလေဟယ်။

ကိုယ်တော်ဟ ဆူမကော်မိန့်တော်မူနေတဲ့အချိန်မှာ ယာဣရုရဲ့အိမ်မှ လူတစ်ချို့ ရောက်လာ ကြမောက် “ အရှင့် ဆမီးသေဆုံးသွားပါပြီ၊ ကိုယ်တော်ကော် မနှောက်ယှက်ပါနဲ့တော့” လောက် ယာဣရုကော် လာရောက်ပြောကြားလေဟယ်။ ဟဲင်းစကားကော်ကြားသော် ကိုယ်တော်ယေရှုဟ ယာဣရုကော် “မစိုးရိမ်ပါနဲ့ ယုံကြည်ခြင်းရှိလော့” လောက်မိန့်တော်မူလိုက်လေဟယ်။

ဟဲင်းသလဲတောင်းပန်ရခြင်းမှာ ကိုယ်တော်ဟ "မကောင်းဆိုးဝါးအဲဒီလူဆီဟ ထွက်လာခဲ့"ဆိုမောက်ကိုယ်တော်ယေရှုဟမိန့်ဆိုလိုက်ညောင်းဖြစ်ဟယ်။ ပြီးခါကိုယ်တော်ယေရှုဟ ဟဲင်းမကောင်းဆိုးဝါးကော် "သင့်နာမည်ဖယ်လဲခေါ်ဟား"လောက်မေးခါ မကောင်းဆိုးဝါးဟ “ကျွန်ုပ်နာမေဟ လေဂေါင်ဖြစ်ပါဟယ်။ကျွန်ုပ် ဟဲင်းသလဲပြောရဟာဟ ကျွန်ုပ်တော့ဟ အကြီးကျယ်များတဲ့အစုအဖွဲ့ဖြစ်ညောင်း ဖြစ်ပါဟယ်။"