Popular Bible Verses from Mark 9

Share

ကိုယ်တော်ယေရှုဟလဲ "တတ်နိုင်ရင်လောက် စာလောက်ပြောရဟား၊ ယုံကြည်ဆမားအတွက် စာညင်းညင်း ဖြစ်နိုင်ဟယ်"လောက် မိန့်ဆိုလေဟယ်။

ဟဲင်းအချိန်မှာလူဆငယ်ရဲ့ဖခင်ဟ"ကျွန်တော်လုံးဝယုံကြည်ပါဟယ်။ကျေးဇူးပြုမောက် ကျွန်ုပ်ကော် ပိုယုံကြည်အောင် ကူညီပေးပါ" လောက်ကိုယ်တော်ကော် ငိုကြွေးပြီး လျှောက်ထားလေဟယ်။

ဟဲင်းနောက်မှာ ကိုယ်တော်ယေရှုဟ အိမ်တစ်အိမ်မှာ တပဲ့တေနအတူ သီးသန့်ရှိနေချိန်မှာ တပဲ့တေဟ "ကျွန်တော်မျိုးတော့ စာလောက်ဟဲင်းမကောင်းဆိုးဝါးကော် လူဆငယ်နားဟနေ နှင်မထုတ်နိုင်ရဟား" လောက်မေးလျှောက်လေဟယ်။ ဟဲင်းခါကိုယ်တော်ဟ "ဘုရားရှင်ကော် ဝတ်ပြုဆုတောင်းဆမားဟ လွဲမောက် မဆူ့ဟမှ ဟဲင်းသလဲ မကောင်းဆိုးဝါးကော် နှင်မထုတ်နိုင်ဘူး" လောက်မိန့်လေဟယ်။

ဆားဟ ကောင်းမွန်ဟယ်။ဟဲင်းပေမဲ့ ဆူ့ရဲ့ငန်တဲ့အရဆာ ပျောက်ဆုံးဟားလျှင် ဟဲင်းဟာကော် ဖယ်အရာန အငန်ဓာတ်ပ္လန်ရစေဖော့ ဖယ်သလဲ ပြုလုပ်ရမဟား။သင်တော့ဟ မိမိကိုယ်တိုင်မှာ ဆားသလဲ ကောင်းမွန်စွာန အချင်းချင်းသင့်မြတ်စွာနေကြလော့" လောက်မိန့်တော်မူဟယ်။

"ကျွန်ုပ်ရဲ့အမည်နာမတော်ကော် အမှီပြုမောက် ဟဲင်းသလဲမျိုးလူဆငယ်ကော် လက်ခံကြိုဆိုဆမားဟ ကျွန်ုပ်ကော် လက်ခံကြိုဆိုဆမားဖြစ်ဟယ်။ကျွန်ုပ်ကော် လက်ခံကြိုဆိုဆမားတိုင်းဟလဲ ကျွန်ုပ်ကော်မက ကျွန်ုပ်နားစေလွှတ်ဆမားကော်ပင် လက်ခံကြိုဆိုဆမားဖြစ်ဟယ်" လောက် မိန့်တော်မူခဲ့လေဟယ်။

ငါနင်တော့ကော် အမှန်ပြောရခါ တစ်ယောက်ယောက်ဟ သင်ကော် ကယ်တင်ရှင်မေရှိယရဲ့တပဲ့ဖြစ်ညောင်း ရေတစ်ခွက်တိုက်ခါ ဟဲင်းသလဲ ပြုလုပ်ခြင်းအတွက် ဘုရားရှင်ဟ ဟဲင်းလူကော် ကောင်းမွန်တဲ့အရာတေ အသေအချာလုပ်ဆောင်ပေးမဲင်ဖြစ်ဟယ်။

တစ်ယောက်ယောက်ဟ ဟဲင်းလူဆငယ်သလဲ ငါ့အပေါ်ယုံကြည်တဲ့ဆမားကော် ယုံကြည်မှုမရှိအောင်ပြုလုပ်ခါ ဟဲင်းလူဟ လည်ပင်းမှာ လေးလံတဲ့ကျောက်တုံးကူးကော် ဆွဲမောက် ပင်လယ်ထဲခုန်ခ္လလိုက်ခြင်းဟ ဆူ့အတွက်ပိုမောက်ကောင်းအုံးမဲင်။

ဟဲင်းအတူ သင့်ရဲ့မျက်လုံးဟ အပြစ်ဒုစရိုက်ကော် ကျူးလွန်ခဲ့လျှင် ဟဲင်းမျက်လုံးကော် ဖောက်ထုတ်ပစ်ပါ။ဟဲင်းမျက်လုံးမပါဘဲ ဘုရားရှင်ရဲ့နိဗ္ဗာန်ရွှေမြို့တော်ကော် ဝင်ခြင်းထက် မျက်လုံးနှေလုံးန ငရဲကော်ဝင်ရခြင်းဟ ပိုမောက် ဆိုးဝါးစေလိမ့်မဲင်။