ထိုနည်းတူ အကျွန်ုပ်သည်လည်း ပရ်ဘူ အထံတော်သို့လာရန် ထိုက်သောသူမဟုတ်ပါ ဟု ထင်မှတ်ပါ၏။ ပရ်ဘူသည် အမိန့်တော်တစ်ခွန်းရှိလျှင်အကျွန်ုပ်၏ ကျွန်သည် ချမ်းသာရပါလိမ့်မည်။ အကျွန်ုပ်ကိုယ်တိုင်ပင် အထက်အရာရှိအောက်တွင် အမှုထမ်းသော အာဏာရှိသော အစေခံတစ်ယောက်ဖြစ်ပါ၏။ အကျွန်ုပ်၏ အမိန့်ကို လိုက်နာဆောင်ရွက်သော များစွာသော်စစ်သူရဲများရှိပါ၏။ အကျွန်ုပ်သည် တစ်ဦးကိုသွားဟု ပြောလျှင် ထိုသူသည်သွား၏။ အကျွန်ုပ်သည် တစ်ဦးကိုလာဟုပြောလျှင် ထိုသူသည်လာ၏။အစေခံတစ်ယောက်ကို ဤအမှုကိုပြုလုပ်လော့၊ ဟု ပြောလျှင် ထိုသူသည် ပြုလုပ်ပါသည် " ဟု လျှောက်တင်ကြ၏။ ပရ်ဘူယေရှုသည် ထိုစကားကို ကြားတော်မူလျှင် အံ့ဩခြင်းရှိတော်မူ၍ နောက်သို့လိုက်သော လူအစုအဝေးများကိုလှည့်ကြည့်တော်မူလျက် " ငါဆိုသည်ကား၊ ငါသည် ဣသရေလအမျိုး၌ပင် ဤမျှလောက်ယုံကြည်ခြင်းရှိသော သူတစ်ယောက်ကိုမျှ ငါမတွေ့ဖူးသေး " ဟု မိန့်တော်မူ၏။