Popular Bible Verses from 1 oKorotiyawa 13

Share

Imu wo omene kpo otushosha; Oya yanya kase kwe owo gwakya kwe owo zi ikweyi iso lo; Imu gbotu bibi kwe ya yoza kiweyi kwe oya yimu kiyinu kwe oya yarisawu kobibi ni ayo ni lo.

Imu ya kweyi lo; kweyi otuse, iyitagye, kpo omene ya kweyi lo.

Imu ya shotunehe kpoza bibi lo, oke ya shotunehe kpo kwokwoshi.

Mani oni oza eta mani baba: otuse, iyitagye, kpi imu. Oni shuwa kpiri-kpiri ni wi imu la.

Imu ya wa kogbogbo. Onototu kela ko Owuso ya ba oke ya kweyi, eshi ko kela igbenu gogo-gogo yaba, oke ya kweyi; ebe ni ogyogye yanu ni, okyi ya kweyi.

Nyya gege ko kela igbenu kasuse kpa kayoleho, kweyi owoni igbi imu lo, ela koka hin lebyo ogye kwa Amla ni ya ngmegba yeye ni la.

Owoni ngbeshi ko nototu, kweyi gyoza teba kpogyogye kpiri; owoni ngbotuse ni ya gege ya shefu ga ni npa gbimu kase ashishini lo, nwwojije lo.

Owoni nyyojoji ni ngbo ni yawoleha eshi, kweyi yikpiye hin dase ashini koyu ngmo shini na gwakya ikweyi ki kpiye hin, owoni nke gbi imu lo, nyya pya abola oyoye ebe ko Owuso lo.

Ishini nwwoyi leke ni, nkela byo oyi leke, nyya rela byo oyi leke, nyya gbo byo oyi leke. Kweyi anani ni nke wanyakwase ni nshoza kayi leke bita itikpi.