Popular Bible Verses from 1 oKorotiyawa 15

Share

Mani oni, ayene hin moshi, ala hagye loshu. Ipu kishi kpiri ala ziyikala kpiri-kpiri doko ka Adole, ikweyi koni ala gye mo oko kala ipu ka Adole wo oyeye lalo.

Aha ke shotunehe do Owuso ni yaha rogwa bwebe ka Adole kaha Oyesu Okristi ni!

Ala ka shashishe bita na gyala egya lo, <<Oya bibi ya pyase neshi wase bibi.>>

Eshi ko Owuso nke woza ni nwwe ni, kweyi eshi ni odami ni woyeye lo, oyun yoko sha ayikoko ko Oyesu ashini kpiri. Mani ke woyoya hin lalo, eshi ko Owuso pini yo oko kpami la.

<<Ikwu, orore wo yini? <<Ikwu, oshu wo yini?>> Ikwu pyoshu nu ko sase bwebe kozalabi, kweyi ozalabi pyoshu nu bwebe ko Ono.

Ala zakpaha pwo kwokwoshi ni teba ni: Kpiri ka pini ba gekwu lalo, kpiri ka keba shikpiye, ebebeni byo kyokye kiyi, ishini ategyi ko gwejeji yeya, awokwu ba nyiso, aba gekwu kelo, kweyi kpiri ka ba shikpiye.

Ikweyi koni ikwu wa bwebe kase oye, onyiso kawase ni gekwu ni wa bwebe kase oye mamani. Ikweyi koni kpiri kase gekwu ipu ko dudu wa kpa Adomu, mamani kpiri kase ba nyiso ikwu ipu ko dudu wa kpo Okristi.

Ikweyi koni owotiri shini ikpiye ni ya wowa ni na shiyinu kponi ya wowa lo ni; koni oza ni ya gekwu ni ya shiyinu kpoza ni ya gekwu lo ni.

Ikweyi koni owo tiri koni Okristi oya yose gbishini Owuso ya yawo omonyekwotu nu gwagye kweyi yuwa sheye kikpo nu. Omonyekwotu ko gwejeji ni oya yi gwagye ni wikwu.