Popular Bible Verses from Najə̄ kə́ Majə yā Jeju ń Ja̰a̰ ndang ní 15

Share

Mā i *kāgə̄ nduú, ba sḭḭ̄ i ta jīn gə̄. Deē ń ndi kemḿ tə́ ō mā m̄-ndi kemən tə́ ō ní, a a̰a̰n̄ ngá̰ý. Tɔdɔ̄ kanjə̄ḿ anī, sḭḭ̄ ā ásiī rāā yá̰á̰ kógə̄ḿ alé.

Ī-ndiī kemḿ tə́ tītə̄ ń mā m̄-ndiń kemsí tə́ ní. Ta jī kāgə̄ a a̰a̰n̄ kə dɔneé alé, ba a a̰a̰n̄ i loo ń ni i tū kāgə̄ tə́ tá ní. Ré sḭḭ̄ ī-ndiī kemḿ mā tə́ aĺ anī, sḭḭ̄ ā ānī aĺ ō.

Ré ī-ndiī kemḿ tə́ ō, najə̄ yāḿ ndi kemsí tə́ ō anī, ī-dəjeī yá̰á̰ kə́ kemsí ndigə ɓáa ā ə́ngeī yá̰á̰ ní.

I sḭḭ̄ n ī-gə̄rāmī ní alé, ba i mā n m̄-gə̄rāsí ní. M-ə̄ndā dɔsí tə́ kadə̄ āwī ō, kadə̄ ā̰ā̰nī ngá̰ý ō, kadə̄ ka̰a̰n̄sí to gotoó ō. Loo ń noō tə́ Bɔbə́ḿ a adə̄sí yá̰a̰ malang ń ā ī-dəjeniī kə rīḿ ní.

Táŕ kə́ bo tɔȳ kadə̄ deē adə̄ rɔ̄n yo tām̄ yā madə̄ kə́ran gə̄ tə́ ní gətóo.

Ta jīḿ gə̄ ń anə̄n̄ aĺ ní, ni a jén̄gdə́ kɔ̄ɔ́. Ba ta jīḿ gə̄ malang ń anə̄n̄ ní, ni a tɔ́r̄də́ kadə̄ anə̄n̄ ngá̰ý mān̄ kə́ kété.

Gō míndə́ḿ n toó: I kadə̄ ī-táriī naā tītə̄ ń m̄-tárəńsí ní.

Yá̰á̰ ń ɔsə gɔn Bɔbə́ḿ ní, i ka̰a̰n̄ kə́ sḭḭ̄ ā̰ā̰nī ngá̰ý ō, sḭḭ̄ i ngé ndóō yá̰a̰ yāḿ gə̄ ō.

Mā i *kāgə̄ nduú kə́ rɔ̄kum, ba Bɔbə́ḿ i nge ndɔr̄ kāgə̄ nduú ní.

Ré deē kógə̄ḿ ndi kemḿ tə́ aĺ anī, a ənīnən̄ ndágá kɔ̄ɔ́ tītə̄ ta jī kāgə̄ kadə̄ tutə. Gō tə́ anī, a kánə̄n̄ tajī kāgə̄ gə̄ yā ɓōkə́də́ horoó kadə̄ hor o̰o̰.

M-ə́dásí yá̰a̰ gə̄ ń toō i kadə̄ rɔ̄nel̄ yāḿ i kemsí tə́ ō, kadə̄ rɔ̄nel̄ yāsí i kə́ ɔtə̄ kə taá mámák ō.

Ré ī-rāāī yá̰a̰ gə̄ ń gō míndə́ḿ əda ní anī, ā ī-ndiī kem tár yāḿ tə́, tītə̄ ń m̄-rāań yá̰a̰ gə̄ ń gō míndə Bɔbə́ḿ əda á m̄-ndiń kem tár yān tə́ ní.

Adə̄ yá̰á̰ ń m-ə̄ndā dɔsí tə́ kadə̄ ī-rāāī ní i kadə̄ ī-táriī naā.

Nə́ngētə́ sḭḭ̄ i de kə́ dɔ nang tə́ gə̄ anī, de kə́ dɔ nang tə́ gə̄ a tárən̄sí tɔdɔ̄ sḭḭ̄ i yān gə̄. Banī mā m̄-gə̄rāsí ō, m-ɔ̄r̄sí kɔ̄ɔ́ dan de kə́ dɔ nang tə́ gə̄ tə́ ō, adə̄ sḭḭ̄ i de kə́ dɔ nang tə́ gə̄ to̰ alé, i tām̄ ń noō tə́ n de kə́ dɔ nang tə́ gə̄ imə̄n̄sí ní.