Popular Bible Verses from ROM ROM-BUU 8

Share

Ki to rimi ko ngye Izhi ri ti ndu ndindi ri wawa wa nyime-u, wawa a yo wa bibi riwa isron wan su.

Ritu me to ri ikyari ran ga ta ri nyime Izhi ran: ka ikuu ka ivri, ko ka miri ko Izhi ka wa kpanchi ri shu ka gbengbren riwa a he, ka zizan ka kusi, ka mgbumgblume ri shu ka ri meme, ikya ri ran he rimi mgbumgblume riwa ari to ga ta rimi Izhi riwa a he wambu hu ri Bachi mbu Kristo Yeso.

Ngamba nye mee Iyu Izhi ngawen ri ye dzon ta, riwa ikpa mbu ran senkpa ran. Ki ran to bibi riwa ki bre Izhi ran; Iyu kyuwan ri bre Izhi ritu mbu rimi kpachu riwa iwɨlo tre ran ri to tre ran.

Ri ya kyawa wanyi wawu, ingye nye ki tre? Ka Izhi he kusan mbu, ingaa nye ri yo ta kusi?

Ritu ngamba wa ran wuu nji zizan ran ritu wawa wa he rimi kabrutu ri Kristo Yeso.

Ika ngangawen no kpa riwa nji ari ngɨzhi nji hi nkon kuu, ama ika ngawen no Yuu ri ngɨzhi vri nga sisron ye.

Onhon, rimi kyawa wa nyi wawu ki he ri hangbengbɨren hu ri wawu riwa a nyime ta!

Bibi yaa riwa ki so zizan a ran ka ngawan kabru ri mkpen riwa wa nghɨran ri ta kusi ran.

Inga nye ri ga ta ri nyime Kristo? Ka iwanyu, ka iyaa, ka iyon, ka ika he ri kya, ka ikya meme ka ikuu?

Nga Izhi riwa a to mi sron mbu, ran to kya riwa Iyu ri rimiren ritu wan; ritu Iyu ri bre Izhi ritu wa nji wan nga bibi riwa a wa ran ti.

Nji wawa wa hu tre Yuu Izhi wa he miri Izhi.

Wawa wa hu kya riwa ikpa mba la wa no wa ti wa ka sron mba no kpa mba riwa, nji wawa wa ti kya riwa Iyu la wa no wa ti wawa wa ka sron mba no wu Tsitsri.

Izhi ran ka vren wan nnyo ta ran, ama a ka-u no ta wawu! A ka vɨren wan no ta ko a ran ka kongye no ta ran?

Iyu Izhi ri kabru ri Yuu mba ran la ri ki he miri Izhi. Riwa ki he miri wan, ki fe tilibu riwa a ka dzi ri wa nji wan, nga ki fe kya rimi kya riwa Izhi kadzi ri Kristo; I ki kabru wo rimi so ya ri Kristo, ki kabru wo rimi mkpen wan ngawen.

Nga ngamba nye nji wa kɨma he kpan fu Izhi ka wa ka sron mba no kpa ri wa nji wa ran hu tre Izhi ran nga kpunji tre wa ran hu tre wan ran.

Mgbumgblume wa son ri gben no Izhi no nghɨran wa ngha wa he miri wan.

Ritu ki to ri sisenmu ye ri vi ri zizan mgbumgblume ri kpachu ritu lo ka iwaa ri ngɨzhi.