Popular Bible Verses from Matendu 16

Share

Weni wakamyanga, “Mkwinili Bambu Yesu na wenga utelokoka pamonga na walongu ghako wogha.”

Pabehi na uhiku wa mandandu Paulo na Sila wawelili wakiyupa na kuyimba uyimbo wekaweka wa kumuyinula Sapanga, kunu wawopwa ghangi wakiva wanguyoghanila. Bwitu, kukahumila mhihimu mkulunga wa mlima hata kitumbulo kya lighuta gha wawopwa kikahihimila na palapala milyango hyogha gha muuwopwa ikawopoka na minyololu gha wawopwa wogha ikadumuka na vihungo kuwopoka.

Hinu akawalongosa panji na kuwakonya, “Wabambu ghangu, nigholi kyani mbati kulokoka?”

Yula mgholokela akayimuka, na mweni paalola yiwa milyango gha lighuta lya wawopwa iwela lipala, akahomola lipanga lyaki ili alikomi, kwa ikiva awachilili yiwa wawopwa wahukili. Ila Paulo akakema kwa lilowi likulunga, “Ukotoho kulikoma mweni kwa ikiva twenga wogha twabaha.”