Popular Bible Verses from Yakobu 1

Share

Walongo wa nenga mhekeleli pamkolwa na lung'ai lwa wekaweka, kwaikiva mngumanya yiwa kukwinila kwa mwenga pakunguyeswa kunguwayeghela mwenga kufumilila.

Paikawela mmonga wa mwenga kalepelelwa na luhala, hayu angupalwa kumyupa Sapanga mwenikuwapegha wondu wogha mweni atempegha mundu hayu luhala bila kukalipila.

Walongo wa nenga mviki hali kumutu, kila mundu aweli myuyughu pakuyughanila ila aweli mtopa pakulongela, na mtopa pakuhyoma

Hinu myendeleli kufumilila mbaka mwihu, ili mpati kutimila bila kulepelelwa na kindu chochosi.

Mkotoho kulingonga mwaweni kwa kuhyoghanila weka lilando lyaki, ila muweli mngughola handa lilando vila lingulonga.

Kahighilwa mundu yula mweni kufumilila mayeso, kwaikiva pakayomola kufumilila, atepeghwa hupo gha ukomu hila Sapanga awalongilile yiwa atewapegha wala weni kumpala.

Kila kindu kyeni kupeghwa na kya maha na kitimila, kinguhuma kunani, kinguhuma kwa Tati mlumba wa miyengi, mwenikuwela kangughalambuka ng'ogha.

Mundu yeyosi mweni kuhyoghanila na akaleka kughola kila kakihyoghanila, hayu angulandana na mundu yula mweni kutama na kuilola mweni kukiou. Hayu anguilola mweni na kumwihu anguyenda zyaki, na bwitu anguisemwa vila kawela.

Ila mundu mweni kumyupa Sapanga vila ingupalwa angupalwa kughola hagha, kuwatanga weni kuhovilwa na wahumbu kukila walepelelwa na tukotoho kuleka mlima wogha hau utugholi tuweli wahakata.

Mundu paanguyeswa agholi uhakata akotoho kulonga yiwa, “Anguyeswa na Sapanga.” Kwaikiva Sapanga kanguwesa ng'ogha kuyeswa na mahakata na mweni hilahila kanguwesa ng'ogha kumyesa mundu yeyosi kwa mahakata. Ila mundu anguyeswa paangukweghwa na kuwomela na lumatamata lwaki mweni luhakata

Mlongo mwenikukwinila pakawela mkapuku angupalwa ahekeleli kwaikiva Sapanga angumlola yiwa ni mundu mweni kutundamilwa.