Popular Bible Verses from 1 Xa̱bo̱ Korínto̱ 15

Share

Ikhaa jngó a̱ngui̱nꞌ, tsáanꞌ phú nandoꞌ ja̱ya̱ꞌlaꞌ, ga̱wajún-gúkuálaꞌ jamí ma̱xáꞌne níꞌnga̱ꞌlaꞌ. Gu̱ne̱laꞌ jámba̱ miꞌtsú ñajuun Táta̱, numuu rí ndu̱ya̱álaꞌ máꞌ rí jámuu gíꞌdoo numuu ñajun rí nu̱ne̱laꞌ ná inuu Táta̱.

I̱ndo̱ó máꞌ numuu rí núma̱aꞌ la Ana̱ꞌlóꞌ rí naꞌnii̱ rí ma̱ꞌnga̱ꞌlóꞌ ga̱jma̱á majñu̱u̱ Tátiálóꞌ Jesukrísto̱.

Mu̱xúni̱ꞌñá-mijnálaꞌ rí ma̱gu̱ma-nduwáanꞌlaꞌ. Xáꞌnii iꞌthán mbá ajngáa: «Xa̱bo̱ tsí naguꞌwúún máꞌ nune̱ rí ra̱máján, mune̱-maꞌkhíi̱n xa̱bo̱ tsí naguꞌwúún máꞌ nune̱ rí máján».

I̱ndo̱ó máꞌ numuu rí phú májáan a̱kui̱in Ana̱ꞌlóꞌ jaꞌyeꞌ, ikhaa jngó ninindxu̱ꞌ rí ñajunꞌ xúge̱ꞌ. Jamí táꞌne díí ga̱jma̱á nindxu̱ꞌ rí nixníꞌ Ana̱ꞌlóꞌ, a̱ꞌkhue̱n gakon, ikhúúnꞌ phú i̱tha̱án ni̱ñajun xó rí mbá xúgíin tsí waxúngui̱inꞌ. Ra̱ꞌkhá ski̱yu̱ꞌ ikhúúnꞌ naꞌne rí na̱ꞌngo̱ꞌ na̱ñajunlo̱ꞌ, rí ga̱jma̱á numuu rí Ana̱ꞌlóꞌ xtáa ga̱jma̱á nindxu̱ꞌ.

«Ikháánꞌ, tsiakhe̱ rí naꞌne rí ma̱ja̱ñúú xa̱bo̱, náá ni̱ka̱ rí ni̱ꞌnga̱a̱ꞌ rá. Ikháánꞌ, tsiakhe̱ rí naꞌne rí ma̱ja̱ñúú xa̱bo̱, náá ni̱ka̱ ski̱ya̱a̱ꞌ rá». Rí naꞌne rí ma̱ja̱ñálóꞌ ñajuun aꞌkhánlóꞌ. Rí nasngájma aꞌkhánlóꞌ ñajuun xtángawoo Moisés, jamí naxnúu ne̱ tsiakhe̱ aꞌkhánlóꞌ rí ma̱gu̱diáanꞌlóꞌ.

Gu̱dxawíín májánlaꞌ, numuu rí ma̱tha̱nꞌlaꞌ awan drígo̱o̱ Ana̱ꞌlóꞌ rí i̱ndo̱ó máꞌ ikhaa̱ ni̱gi̱da̱ꞌ idxu̱u̱ nákhí wajyúú: Ra̱ꞌkhá mbá xúgiáanꞌlóꞌ ma̱ja̱ñálóꞌ, i̱ndo̱ó máꞌ numuu rí mbá xúgiáanꞌlóꞌ ma̱xtiꞌkhuáanꞌlóꞌ mbá jayu. Mbá nacha̱ jayu gáꞌne, xómá rí naxpáduu xa̱bo̱, ído̱ gáwán rí nda̱wa̱á jayu ajwa̱nꞌ e̱ꞌmbi. Numuu rí ma̱wán e̱ꞌmbi, jamí tsí nijáñúú mbuyaa̱ mbiꞌñúu̱ rí ma̱ju̱wée̱ꞌ jámuu, xómáꞌ ikháánꞌlóꞌ ma̱xtiꞌkhuáanꞌlóꞌ mbá jayu.

Xómá rí ga̱jma̱á majñu̱u̱ mbáwíi xa̱bo̱ nijáñúú mbá xúgíin xa̱bo̱, xkuaꞌnii máꞌ mangaa ga̱jma̱á majñu̱u̱ mbáwíi xa̱bo̱ mbuya̱a mbiꞌñúú tsí nijáñúú. Xómá rí najáñúú mbá xúgíin xa̱bo̱ tsí na̱gu̱mii ga̱jma̱á majñu̱u̱ Adán, xkuaꞌnii máꞌ mangaa mbuya̱a mbiꞌñúú mbá xúgíin xa̱bo̱ tsí na̱gu̱mii ga̱jma̱á majñu̱u̱ Krísto̱.

Numuu ndaꞌyóo rí ma̱xtiꞌkhu̱u xuyalóꞌ rí naꞌga, ma̱ꞌni̱i ne̱ rí tsíꞌga, jamí ikhaa máꞌ xuyalóꞌ rí najáñuu ma̱ꞌni̱i ne̱ rí tsíjáñuu.

Numuu ndaꞌyóo rí Krísto̱ maꞌthán-ñájun asndo náá gáꞌngo̱o̱ inúú mbá xúgíin tsí sia̱nꞌ gajmíi̱. Jamí asndo nda̱wa̱á jayu ma̱ꞌne-gámbo̱o̱ tsiakhe̱ sia̱nꞌ rí naꞌne rí ma̱ja̱ñúú xa̱bo̱.