Popular Bible Verses from 1 Xa̱bo̱ Korínto̱ 6

Share

Á tsíya̱álaꞌ rí ikháanꞌlaꞌ ñajwanlaꞌ xómá guꞌwóo Xu̱u̱ꞌ Ana̱ꞌlóꞌ rá dxe̱ꞌ. Xu̱u̱ꞌ Ana̱ꞌlóꞌ xtáa ná awúun a̱kia̱nꞌlaꞌ, jamí na̱nguá jaꞌyalaꞌ ikháanꞌlaꞌ xuyalaꞌ. Numuu rí Ana̱ꞌlóꞌ niꞌtsiáanꞌlaꞌ. Ikhaa jngó, gu̱ne̱-mba̱a̱laꞌ Ana̱ꞌlóꞌ ga̱jma̱á xuyalaꞌ jamí ga̱jma̱á xa̱ꞌlaꞌ, numuu rí ikhaa rúꞌkhue̱n jaꞌyoo Ana̱ꞌlóꞌ.

Ndu̱ya̱á máꞌ májánlaꞌ rí xa̱bo̱ tsí nune̱ rí xkawe̱ꞌ, nda̱a̱ rí gájanúu̱ ná naꞌthán-ñájun Ana̱ꞌlóꞌ. Mu̱xúne̱-nduwa-mijnálaꞌ. Ni máꞌ tsí nubúún gajmíí a̱ꞌgo̱ tsí túya̱a̱, ni máꞌ tsí nune̱-mbi̱in tsí ra̱ꞌkháa Ana̱ꞌlóꞌ ñajúún, ni máꞌ tsí nubúún gajmíí a̱ꞌgui̱i i̱mba̱a̱ꞌ xa̱bo̱, ni máꞌ xa̱bekha tsí nune̱-mijná go̱ꞌo̱, ni máꞌ xa̱bekha tsí nubúún gajmíí xa̱bekha, ni máꞌ tsí nune̱-ku̱ꞌwá, ni máꞌ tsí na̱ni̱gu̱ún mu̱guaꞌdáá mi̱ndaꞌkho, ni máꞌ tsí najngi̱in, ni máꞌ tsí nuxna-maꞌán, ni máꞌ tsí nu̱drígú-jáꞌñúú xa̱bo̱ ga̱jma̱á mi̱nduwa, nda̱a̱ rí gájanúu̱ ná naꞌthán-ñájun Ana̱ꞌlóꞌ.

Mu̱xúba̱ꞌlaꞌ gajmiálaꞌ xa̱bo̱ tsí túya̱a̱laꞌ. Asndo náá máꞌ rí i̱mba̱ aꞌkhán rí naꞌne xa̱bo̱, tsíꞌne-ñawúu̱n máꞌ xuyuu̱. Xómáꞌ tsí nabóo ga̱jma̱á xa̱bo̱ tsí táyáa rá, naꞌnii̱ aꞌkhán ga̱jma̱á numuu xuyuu̱.

Mbá tikhuun xa̱bo̱ nuthan: «Mbá xúgíí rí nandoꞌ, ma̱goo ma̱ne̱lo̱ꞌ», i̱ndo̱ó máꞌ numuu rí ra̱ꞌkhá mbá xúgíí nafriya̱ꞌ. «Mbá xúgíí rí nandoꞌ, ma̱goo ma̱ne̱lo̱ꞌ», i̱ndo̱ó máꞌ numuu rí ikhúúnꞌ ma̱xáni̱ꞌñá-mina̱ꞌ rí maxná-ñájwinꞌ asndo nimbá.

Xómá rí Ana̱ꞌlóꞌ neꞌne rí mbayáa mbiꞌyuu Táta̱, xkuaꞌnii máꞌ ma̱ꞌnii̱ rí mbu̱ꞌyáa mbiꞌyalóꞌ mangáanꞌlóꞌ ga̱jma̱á ski̱yu̱u̱ꞌ.