Popular Bible Verses from 2 Xa̱bo̱ Tesalóni̱ka̱ 2

Share

Asndo nimbáa ma̱xáꞌne-nduwáanꞌlaꞌ ga̱jma̱á nimbá rí nuthan xa̱bo̱. Numuu rí mbiꞌi rí ma̱ꞌkha̱a Táta̱, ma̱xága̱nú ne̱ asndo mbiꞌi rí ma̱ju̱wá xa̱bo̱ tsí tsíñúú mbá jayu gánimbu̱únꞌ juyáá Ana̱ꞌlóꞌ, jamí ma̱kujmaa xa̱bo̱ numbaa tsí ninújngoo naꞌne aꞌkhán, tsí wéje̱ máꞌ rí ma̱mbáa jámuu.

Xómáꞌ ikháanꞌlaꞌ rá, a̱ngui̱nꞌ, tsáanꞌ nandoo jaꞌyalaꞌ Táta̱, jámba̱ miꞌtsú jaꞌyaxo̱ꞌ rí mu̱rígu̱uxo̱ꞌ gamaku ná inuu Ana̱ꞌlóꞌ ga̱jma̱á numalaꞌ. Numuu rí asndo nákhí máꞌ ni̱gi̱ꞌdu̱u̱n-muu, Ana̱ꞌlóꞌ niraꞌwiáanꞌlaꞌ rí ma̱jáwiáanꞌlaꞌ ga̱jma̱á majñu̱u̱ rí na̱ka̱-ra̱gu̱ma-jaꞌwáanꞌlaꞌ eꞌne Xu̱u̱ꞌ Ana̱ꞌlóꞌ, jamí ga̱jma̱á numuu rí wéje̱ a̱kia̱nꞌlaꞌ ná inuu rí gakon.

Tsúꞌkhue̱n ñajuun xa̱bo̱ sia̱nꞌ ga̱jma̱á nindxu̱u̱ mbá xúgíí rí nuxna-mbiꞌíí xa̱bo̱ Ana̱ꞌlóꞌ o mbá xúgíí rí nune̱-mba̱a̱ xa̱bo̱ mbo̱ꞌ. Asndo maꞌgíi̱ xílii̱ ná guꞌwá dxákuiin Ana̱ꞌlóꞌ kajngó ma̱gi̱ꞌi̱i̱, jamí maꞌthée̱n rí ikhaa̱ ñajuu̱n Ana̱ꞌlóꞌ.

Ana̱ꞌlóꞌ Mikhuíí ndiyoo jaꞌyalóꞌ jamí jámuu nixnáa̱ la tsiakhe̱ a̱kia̱nꞌlóꞌ, jamí naꞌnii̱ rí ga̱jma̱á mbá jañii a̱kia̱nꞌlóꞌ mu̱guáꞌthi̱ínlóꞌ rí ma̱jáwiáanꞌlóꞌ, numuu rí májáan a̱kuii̱n jaꞌyalóꞌ. Naꞌne a̱kui̱nꞌ rí jmína̱a̱ꞌ máꞌ Tátiálóꞌ Jesukrísto̱ jamí Ana̱ꞌlóꞌ Mikhuíí muxnáa la tsiakhe̱ a̱kia̱nꞌlaꞌ, jamí muni̱i̱ rí ma̱wajún-gúkuálaꞌ kajngó mu̱tha̱nlaꞌ jamí mu̱ne̱laꞌ mbá xúgíí inii rí máján.

Ikhaa numuu rúꞌkhue̱n Ana̱ꞌlóꞌ naniñúu̱ rí ma̱gu̱ma-nduwii̱n, kajngó ma̱nimbúu̱n juyáa̱ rí mi̱nduwa rúꞌkhue̱n.

Jmína̱a̱ꞌ máꞌ Satanás ma̱ꞌne rí masngájma-mina̱ꞌ xa̱bo̱ aꞌkhán tsúꞌkhue̱n ga̱jma̱á phú mba̱a̱ tsiakhe̱, kajngó phú ma̱makúún xa̱bo̱ gáꞌnii̱ ga̱jma̱á rí phú wáá mi̱nduwa rí ma̱ꞌnii̱. Ma̱jmuu̱ mbá xúgíí inii rí xkawe̱ꞌ kajngó ma̱ꞌne-nduwii̱n tsí na̱ka̱-rayámbi̱in, numuu rí ra̱khúu̱n gúdri̱guíi̱ ajngóo Ana̱ꞌlóꞌ, kajngó ma̱jáwíi̱n gáꞌne ne̱.

Numuu rí nañajun máꞌ ná numbaa awan ngu̱ꞌwa̱ drígo̱o̱ rí ra̱máján, i̱ndo̱ó numuu rí xúge̱ꞌ xtáa tsí narikhoo ne̱, asndo gága̱nú mbiꞌi rí ma̱ꞌga jiꞌyáa janíí tsí narikhoo ne̱ ná majñu̱ú xa̱bo̱.